Ýnıversıada oıyndary aıaqtalǵannan soń, Atletıkalyq aýyl, stýdentterdiń jataqhanasy men pedagogtarge turǵyn úı retinde kepildikke berilmek. Bul  týraly Almatyda Ýnıversıadaǵa daıyndyq aıasynda ótkizilgen Otandyq taýar óndirýshilermen yntymaqtastyq forýmynda Almaty qalasynyń halyqaralyq sporttyq jobalar dıreksıasynyń dırektory Áset Ábdýalıev málimdedi, - dep habarlaıdy «Qamshy» portaly.

Atletıkalyq qalashyqta damyǵan áleýmettik ınfraqurylym (kafe, meıramhana, bank bólimsheleri) keńeıtilgen jol toraby bolady,-dedi Áset Abýalıev.

Sondaı-aq, barlyq nysandar buqaralyq sportty damytý úshin Ýnıversıadadan keıin el ıgiligine beriledi.  «Ýnıversıada nysandaryn basqaratyn Dıreksıa quryldy. Olar mamandardyń (ınjenerlik-servıstik toptar, marketıń, brokerıdjderdiń) jumystaryna tereń úńilýin qamtamasyz etedi. Osy oraıda, bizder  keshenderdi bolashaqta barynsha tıimdi basqarýǵa úmit arta alamyz. Eń úlken mindet brokerıdjdi oryndaýǵa (arendatorlardy izdeý) bolyp tabylady.  10 myń stýdent pen pedagogtardy qamtıtyn naryq bar. Jalpy aıtqanda Alataý aýdany- qalamyzdyń ósip-órkendeýiniń jańa núktesi. Jańartylǵan ınfraqurylym Alataý aýdanynyń damýyna keń serpilis beredi,- dedi Áset Ábdýalıev. 

Almatydaǵy qysqy Ýnıversıada 2017 jyldyń 29 qańtary men 8 aqpanda ótedi. Atalǵan doda elimizdi tarıhynda ótetin eń iri sporttyq shara bolmaq. Oǵan 2000 sportshy, 1000 tehnıkalyq delegat pen tóreshiler toby qatysady. Jáne jarysty tamashalaýǵa 30000 týrıs keledi dep josparlanǵan.

Esterińizge sala keteıik, jýyrda Almatyda qysqy Ýnıversıadaǵa daıyndyq aıasynda otandyq ónim shyǵarýshylarmen yntymaqtastyq forýmy ótken bolatyn. Qorytyndysynda qazaqstandyq ónim shyǵarýshylarmen 20 mlrd teńgege memorandým bekitiligen bolatyn.