Abaı Qunanbaevtyń ákesi týraly "Qunanbaı" tarıhı derekti fılmi jalpyuttyq prokatqa 3 jeltoqsanda shyǵady. Bul týraly "Qamshy" portaly "Qazaqfılmniń" baspasóz qyzmetine silteme jasaı otyryp habarlaıdy.
Kartına rejıseri Qazaqstannyń halyq ártisi Dosqan Joljaqsynov boldy. Ol basty róldi de somdady. Abaıdy kartınada Álibı Syraıly somdasa, qazaqtyń uly aqynynyń ájesiniń rólin Jambyl oblystyq drama teatrynyń ártisi Nursıfat Salyqova oınady.
Qunanbaı Óskenbaıuly 1804 jyly áıgili bıdiń otbasynda dúnıege kelgen. Uzaq jyl ómir súrgen ol aqyldylyǵymen jáne kóregendiligimen tanyldy. Onyń bul qasıetteri saıası mansap jolyn jasaýǵa kómektesti. Abaı Qunanbaevtyń ákesi tórt áıel alǵan, uly aqyn onyń ekinshi áıeli - Uljannan týǵan.
"Ózderińiz biletindeı, Qunanbaıǵa keı kezderi ártúrli kózqaras qalyptatyratyn qıyn sheshimder qabyldaýǵa týra keldi. Mindet pen ádildiktiń ortasynda tańdaý turdy. Qunanbaıdyń kishi uly Ibragım ákesiniń jumysynyń aýyrtpalyǵyn baǵalaı almady. Tek kóp jyldan keıin ǵana Abaı atymen tanylǵan Ibragım ákesin túsine bastady", - dep jazylǵan "Qazaqfılmniń" baspasóz habarlamasynda.
Kartınada Qunanbaıdyń ómiri ǵana emes, XIX ǵasyrdaǵy qazaqtardyń turmysy baıandalǵan. Fılm Qazaqstannyń tarıhyn bilgisi kelgenderge arnalǵan.
Fılm senarıin Dosqan Joljaqsyno pen daryndy jazýshy Talasbek Ásemqulov jazǵan. Kartınanyń túsirilim jumystary Aqmola oblysynda jáne Qunanbaıdyń týǵan jeri - Semeı oblysy, Abaı aýdany, Qaraýyl aýylynda ótti.
