Ońtústik Qazaqstan oblysyndaǵy medısınalyq jabdyqtardyń 90 paıyzy jergilikti shıkizattan jasalady.

Bul týraly «SK-Farmasıa» basshysy Nurjan Álibaevqa medısınalyq jabdyqtardy shyǵarý zaýytynda aıtyp berdi. Ol kásiporyn assortımentin ǵana emes, óndiristiń búkil úderisin muqıat qarastyrýda. Onyń kompanıasy búkil el úshin tek dári-dármekterdi ǵana emes, tegin medısınalyq kómek kórsetýdiń kepildendirilgen kóleminiń aıasynda medısınalyq jabdyqtardy satyp alyp júrgendikten, azdaǵan jaıttar týraly bilýi kerek ekenin aıtyp otyr.

Kásiporynda ÝDZ apparattary, tipti ota jasaý bloktary shyǵarylyp jatqanyna 7 jyl boldy. Ónim qazaqstandyq aýrýhanalarǵa jetkiziledi. Shıkizattyń kóp bóligi jergilikti jerden alynady, 10 paıyzdan aspaıtyn bóligi ǵana satyp alynady.

Kásiporynnyń qonaqtary jedel medısınalyq járdem avtomobılderin de baǵalaı aldy. Reanımobılderde eń zamanaýı jabdyqtar ornatylǵan. Ótken jyly zaýyt konveıerinen 150 medısınalyq kólik tústi. Qazirgi kezde kompanıanyń kúshi qazaqstandyqtardyń syrqattaryn durys dıagnostıkalaıtyn jańa jabdyqtardy shyǵarýǵa baǵyttalǵan.

Ońtústik Qazaqstanda shyǵarylǵan medısınalyq jabdyqtarǵa tapsyrys el aýrýhanalarynan ǵana emes, sondaı-aq Grýzıa, Qyrǵyzstan jáne Armenıa medısınalyq mekemelerinen de kelip jatyr.  

Derekkóz: QazAqparat