Shymkentte respýblıkada teńdesi joq qazandyq iske qosylmaq. Bul qondyrǵy bolashaqta Shymkent halqynyń 85 paıyzyn qystygúni jylýmen qamtamasyz etpek. Qurylysy osydan bir jyl buryn bastalǵan nysan jýyq arada shymkenttikter úshin kádege jaramaq.

Bul alyp qazandyq aldaǵy maýsymda jańa ákimshilik iskerlik ortalyǵyn jylýmen qatar, jyldyń tórt mezgilinde ystyq sýmen de qamtamasyz ete alady. Germanıalyq qondyrǵylardyń quny qymbat bolǵanymen, №3 energoortalyqtyń qyzmetin tolyqtaı atqaratyn múmkindigi bar.

«Bul Shymkent qalasy úshin tarıhı jaıt dep aıtýǵa bolady. 162 Gkal qazandyq 1.5 mıllıon kvadrat sharshy metr aýmaqty jylýmen tolyq qamtamasyz etýge qaýqarly. Qýattylyǵy, jańa qurylǵynyń eski jylý qazandyqtaryna qaraǵanda jylý taratý kúshi 10 esege kóp. Qazirgi tańda «Qoljetimdi turǵyn úı - 2020» baǵdarlamasy aıasynda paıdalanýǵa berilgen 15 turǵyn úıdi jylýǵa qosýda», - deıdi Shymkent qalasy ákiminiń orynbasary Beısenbek Janbosynov.

Mamandar aldymen qazandyqtaǵy 5 jylytqyshtyń tek ekeýin ǵana iske qospaq. Olar Shymkent qalasynyń shyǵys bóligin tolyǵymen jylýmen sapaly túrde qamtımyz dep otyr. Al qalǵan jylytqyshtar qajetilikke qaraı iske qosylady.

Bolashaqta Shymkent qalasynda dál osyndaı taǵy bir qazandyq salynsa, qala turǵyndary da, áleýmettik nysandar da №3 energoortalyq sıaqty jeke mekemege táýeldi bolmaıdy, dep habarlaıdy Shymkent qalasy ákimi apparatynyń baspasóz qyzmeti.

Derekkóz: QazAqparat