Ońtústik Qazaqstan oblysy – halyq sany eń kóp óńir. Munda 2 788,5 myń adam tirkelse, onyń 60 paıyzyn aýyl turǵyndary quraıdy. Al jyl saıyn 70 myńnan astam bala dúnıege keledi. Bul — elimizdegi týylatyn sábılerdiń besten biri. Sol sebepti bizdiń oblys júıe jasaýshy, strategıalyq mańyzdy óńir bolyp sanalady. Jalpy, kúngeıde 110 medısınalyq kómek kórsetetin uıym, 188 dárigerlik ambýlatorıa, 37 emhana jáne 8 aýdanaralyq týberkýlezge qarsy dıspanser quryldy. Bul týraly otyrar.kz saıty habarlaıdy. Memleket basshysynyń sarabdal saıasatynyń arqasynda osynaý mańyzdy salaǵa erekshe kóńil bólinýde. Máselen, oblysta sońǵy jyldary 310 densaýlyq saqtaý nysany salynyp, el ıgiligine berilse, 152 medısınalyq nysanǵa kúrdeli jóndeý júrgizildi. Materıaldyq-tehnıkalyq jabdyqtar jańaryp, zamanaýı qural-jabdyqtar men qondyrǵylar tek oblys ortalyǵynda ǵana emes, aýdandar men qalalarda da ornatylýda. Búırek pen baýyr transplantasıasy jolǵa qoıyldy. Ana men bala ólimi azaıdy. Osyndaı jetistikterimiz osy salada aıanbaı eńbek etip júrgen aq halatty abzal jandardyń arqasy. Óńirde jalpy 7303 dáriger jumys isteıdi, onyń ishinde aýyldyq jerlerde 2 myńnan astam. Al meıirbıkeler sany – 22134, aýyldyq jerlerde – 7848. Bir aıta keterligi, kadr tapshylyǵy 2 esege tómendegen. Sondaı-aq, mamandardy úzdiksiz oqytý júıesi jolǵa qoıylǵan. Sol sebepti jyl saıyn oqytylatyn mamandardyń sany 12 myńǵa artty. Áıelder men balalarǵa medısınalyq kómek kórsetýdiń sapasy men qoljetimdiligin qamtamasyz etý úshin Shymkent pen Túrkistan qalasynda 4 perınataldyq ortalyq ashyldy. Taǵy bir aıta ketetin jaıt, Shymkent — transplantologıalyq kómekti endirý boıynsha respýblıkada úshinshi qala. Qalada 55 pasıentke búırek almastyrý, 3 pasıentke baýyr almastyrý operasıalary jasaldy. Jáne de neonataldy hırýrgıa men kardıohırýrgıa damyp keledi.

Derekkóz: OQO ákiminiń baspasóz qyzmeti