90 ǵa kelip qalǵan sheshemdi jetelep, Qunanbaıǵa baryp qulazyyyp qaıttyq.. At qoradaı dáý zaldyń ishinde tazdyń basyndaǵy adasyp shyqqan qyltanaqtaı 5-6 kórermen boldyq...

"Samorodnyı sary altyn, saýdasyz berseń almaıdy, Samarqannyń bózine".. .

Qaıran, Abaı, baıaǵy jartas, sol jartas. "Pobeg ız aýla" degen Samarqannyń bózine qyrylysyp baryp, kúlkisi kómir bolǵyrlar kúlip shyǵyp jatyr.. 
"Frankeshteınde" halyq jyrtylyp aırylady...

Al, Uly Qunanbaıda tazdyń basyndaǵy shoshyp shyqqan qyltanaqtaı 5-6 kári-qurtań...
Sheshem "Ákáý ana Shansharda ıne shansharǵa jer bolmaı otyratyn halyq myna kınoǵa nege kelmeıdi á",- dep tań qalady. Ne dep jaýap beresiń?!

Senarı da keremet, kıno da ǵajap! «Birjan saldy» da birneshe qaıtalap kórip, aıyzym qanyp edi... Qunanbaıdan da tushshynyp qaıttym... Túsirilim qandaı, kıimderi, ártister qalaı?! Qunanbaı tamasha, senimdi shyqqan... Baraq sultan qandaı?! Talasbek aǵany tirisinde elemeı, qaıtqanda shýlap edik. Dosqan aǵamyzdy rıza qylyp, osynsha eńbegin baǵalaıyqqshy. Kınosyna baraıyq, ulttyq ónerimizben sýsyndaıyq!

Ahmetbek Nursılanyń «Feısbýk» paraqshasynan