Ál-Farabı atyndaǵy Qazaq ulttyq ýnıversıtetinde jas ǵalymdar úıi ashyldy, - dep habarlaıdy «Qamshy» portaly oqý ornynyń baspasóz qyzmetine silteme jasap.
Bul Qazaqstandaǵy magıstranttar men doktoranttarǵa arnalǵan alǵashqy turǵyn úı kesheni. Áleýmettik mańyzy bar nysannyń qurylysyna memlekettik-jekemenshik áriptestik negizinde ınvestısıalar tartyldy.
«Bizdiń keshen ózge ýnıversıtetterge úlgi bolarlyqtaı. Sebebi Qazaqstandaǵy joǵary oqý oryndarynda mundaı turǵyn úı nysany joq. Ýnıversıtet basshylyǵy jas ǵalymdardyń turǵyn úı máselelesine óte kóp kóńil bóledi. Al ol óz kezeginde sapaly kásibı maman daıyndaýda oń nátıje berýde», - deıdi QazUÝ-dyń birinshi prorektory Muhambetqalı Búrkitbaev.
Turǵyndardyń qýanyshynda shek jok. Endi olar komersıalyq baspana izdep áýre bolmaıdy, onyń ústine qarjylaryn da birshama únemdeıtin bolady. Ekonomıkalyq turaqsyzdyq jaǵdaıynda bul jastardyqoldaýǵa baǵyttalǵanaýqymdy joba. Onyń ústine turǵyn úı kesheni barlyq zamanaýı talaptarǵa saı. QazUÝ magıstranttary men doktoranttary búginde jaıly bólmelerde qonys toıyn toılaýda. Munda dárethana, sebezgi kabınalary men jańa jıhaz, bir sózben aıtqanda turmysta qajettiniń bári bar. Ár qabatta tolyq jabdyqtalǵan as bólmesi men kir jýatyn jaı qarastyrylǵan. Sonymen qatar, zamanaýı telekomýnıkasıalyq jyldamdyǵy joǵary Wi-Fijelisi ornatylǵan, densaýlyq saqtaý pýnkti men bı jáne jattyǵý zaldary da jumys jasaıdy. Jas ǵalymdar úıi qalashyq aýmaǵynda yńǵaıly ornalasqan jáne úıdiń aldynda balalar alańqaıy men avtoturaq bar.
«Biz, jastarǵa, sonyń ishinde stýdent jastarǵa asa úlken kólemde kóńil bólip otyrǵan memleketimizge, prezıdentimizge alǵysymyz sheksiz.Jas ǵalymdar úıi – bizdiń ekinshi úıimiz. Munda jaıly ómir súrýge arnalǵan qajettiniń bári bar. Onyń ústine jemisti eńbek etýge de barlyq jaǵdaı jasalǵan. Munda jas ǵalymdar bolashaqta úlken-úlken ǵylymı jobalarǵa aınalytyn jańa ıdeıalardy týdyrady», - dep qýanyshymen bólisedi hımıa jáne hımıalyq tehnologıalar fakúltetiniń doktoranty Aınur Imanǵalıeva.
QazUÝ-da shetel joǵary oqý oryndarynan kelgen profesorlardy ǵylymı jetekshilik jasap júrgen stýdentterimen jumys barysynda jıi kezdestirýge bolady. Jalpy aýmaǵy 4,5 myń sharshy metr bolatyn 500 orynǵa shaqtalǵan jas ǵalymdar úıinde profesorlarǵa arnalǵan bólmeler de qarastyrylǵan. Sol arqyly jastardyń shyǵarmashylyq jáne ǵylymı áleýetin kóterýge septigin tıgizetin ǵylymı-zıatkerlik orta qalyptasýda.
Bul ýnıversıtet tarapynan memlekettik-jekemenshik áriptestik negizinde salynǵan jalǵyz nysan emes. Ótken jyly jańa kitaphana men «Keremet» stýdentterge qyzmet kórsetý ortalyǵynyń qurylysy aıaqtalǵan bolatyn. Kelesi jyldyń basynda júzý baseıni qoldanysqa beriledi.
