Esterińizde bolsa, osydan biraz buryn portalymyzda "Jalǵas Imanalıev: Qnet-tiń kúıttegeni ne?" atty suhbat jaryq kórgen edi... Sondaǵy Qnet kompanıasyna qatysty keıbir málimetter jalǵan dep túsinikteme berýde kompanıa mamandary. "Qamshy" erkin aqparat alańy. Sondyqtan, tıisti pikir, aıtar ýáj bolsa árqashan marhabat, qurmetti oqyrman!
Qurmetti, "Qamshy" portaly!
6 aqpanda Qamshy.kz aqparattyq portalynda jarıalanǵan «Jalǵas Imanalıev, PR-shy: QNET-tiń kúıttegeni ne?» jarıalanymyndaǵy aqparat naqtylyqqa sáıkes kelmeıdi, al maqalada keltirilgen keıbir derekter – jalǵan. Sonymen qatar, QNET kompanıasynyń qyzmeti men jelilik marketıń ındýstrıasyna qatysy joq Imanalıev myrzanyń túsinikteri negizinde jasalǵan qorytyndylar negizsiz.
Sizderdiń nazarlaryńyzǵa is pen derekterdiń shynaıylyǵy mynadaı ekendigin málimdeımiz:
QNET kompanıasy qarjylyq pıramıda bolyp tabylmaıdy. Qoldanystaǵy zańnamaǵa, halyqaralyq quqyqqa jáne Qazaqstan Respýblıkasynyń aýmaǵyndaǵy qarjylyq pıramıda qyzmetteriniń aldyn-alýǵa baǵyttalǵan "Qarjylyq (ınvestısıalyq) pıramıdalar qyzmetterine qarsy turý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly" qabyldanǵan Qazaqstan Respýblıkasynyń Zańyna sáıkes qarjylyq pıramıda aqshany nemese ózge de múlikterdi tartýdan tabys alý (múliktik paıda) boıynsha qyzmetter nemese osy aktıvterdi qaıta bólý jáne basqalar jarnasynyń esebinen bir qatysýshyny baıytý arqyly qabyldanǵan mindettemelerdi qamtamasyz etetin kásipkerlik qyzmetterge tartylǵan qarajattardy paıdalanýsyz jeke jáne (nemese) zańdy tulǵalardyń quqyqtary retinde anyqtalady. Sonymen qatar, jelilik marketıń pen tikeleı saýda naryǵynda jumys isteıtin zańdy kompanıalardyń qyzmeti qarjylyq pıramıdalardan mynadaı ólshemdermen erekshelenedi: Zańdy kompanıalardaǵy Táýelsiz Ókilder (dıstrıbútorlar) kompanıa ónimin satý esebinen prosent alady.Dıstrıbútorlarǵa óziniń komısıalyq prosentin alý úshin jańa adamdardy tartý qajet emes, óıtkeni olarǵa satylym esebinen syıaqy beriledi. Qarjylyq pıramıdada Sizder kompanıaǵa jańa qatysýshylardy tartpaıynsha, eshqandaı qarjylyq qaıtarym joq. Bárinen buryn qarjylyq pıramıdalardan aıyrmashylyǵy, munda Sizder bastapqy ınvestısıalardan eshqandaı ónim/qyzmet ala almaısyz, zańdy kompanıalar sapaly jáne paıdaly ónimderdi satýmen jumys isteıdi. Mysaly, QNET búkil álem boıynsha adamdardyń qajettiligin qanaǵattandyrýǵa qabiletti eksklúzıvti, ınovasıalyq jáne joǵary sapaly ónimderdi jasap shyǵarý zertteýler men ázirlenimderge mıllıondar jumsaıdy. Soǵan qaramastan, spıkerdiń «men «taıt» untaǵyn alyp, onyń syrtyna basqa qaptama kıgizip, janyna taǵy bir ádemi eki zat qostym delik» degen pikiri jalǵan jáne negizsiz bolyp tabylady. Jelilik marketıń – bul «qalaı tezirek baıýǵa bolady» degen sqema emes. Sizderge baıýdyń ońaı jolyn tabýǵa ýáde beretin kez-kelgen kompanıa (ásirese pıramıda qurý arqyly) múmkin jumystyń alaıaqtyq tetikterin paıdalanatyn bolar. QNET bıznes júrgizýdiń biregeı múmkindigin usynady, alaıda tabysqa, eger Sizder qoldaryńyzdy bir siltemeı, jumys istegen jáne maqsatqa jetý úshin tıisti kúsh-jigerdi jumsaǵan jaǵdaıda ǵana qol jetkizýge bolady. Sonymen qatar kez-kelgen biznesti damytý ýaqytty talap etedi, sondyqtan jyldam tabys alýǵa ýáde berý – qarjylyq pıramıdanyń belgisi.
Kompanıanyń naryqqa uzaq merzimdi qatysýy. Kompanıanyń jelilik marketıńten asa mańyzdy aıyrmashylyǵy – naryqqa uzaq merzimdi qatysýy. Jýrnalıs atap ótkendeı, «kompanıa 1998 jyldan beri 14 jyl kóleminde jumys jasap keledi». Naqty strategıasy men bıznesti damytý túsinigi bolmasa, naryqqa qatysýdyń mundaı merzimine jetý múmkin emes. Qarjylyq pıramıdanyń ómir súrý kezeńi bolmashy ǵana, jarty jyldan bastap, eń kóp degende úsh jyl.
QNET kompanıasynyń bıznes-modeli eki salanyń – elektrondyq komersıa men tikeleı satý prınsıpterin baılanystyrady. QNET ónimderin satyp alǵan kezde kez-kelgen klıenttiń táýelsiz ókil (TÓ) nemese jaı ǵana tutynýshy bolýǵa múmkindigi bar. Bul kezde TÓ bolý úshin ne-bári 30$ kóleminde jarna engizýińiz jáne qyzmetter men Qazaqstan Respýblıkasynyń zańnamasyna sáıkes salyq tólemderin zańdy júrgizý maqsatynda ózińizdi jeke kásipker retinde tirkeýińiz qajet. Sondyqtan «Qnet-ke kirý úshin siz 3000 bıvıge (bıvı-salymshynyń aqshasyna satyp alynǵan upaı) zat satyp alasyz» degen paıymdaý jalǵan. TÓ komısıalyq prosentti óziniń tikeleı referaldarynyń (basqa qatysýshynyń usynýy boıynsha tirkelgen seriktestik baǵdarlamasyna qatysýshylardyń) ónimderdi/qyzmetterdi satýynan, sondaı-aq onyń komandalary músheleriniń referaldary arqyly jasalǵan taýarlardy/qyzmetterdi satyp alýdan tabady. Komısıalyq prosenttiń referaldardy tartý negizinde emes, tek taýarlardy/qyzmetterdi satý negizinde ǵana tólenetinin atap ótken jón. Solaı bolsa da, «Sen 500 dollar berip, artyńa adam jınaısyń» degen pikir shyndyqqa janaspaıdy.
Sondyqtan, QNET kompanıasynyń qarjylyq pıramıda bolyp tabylmaıtyny týraly tezıs qate bolyp tabylady, al LBM kompanıasymen salystyrý jáne «Shartty túrde bul baryp turǵan «lohotron» degen sóılem sýbektıvti qate bolyp tabylady jáne abyroı-bedelge zalal keltiredi.
«Orıfleım», «Tánshı» sıaqty kompanıalardyń taýarlaryn ótkizý úshin adamdar sol zattardy barynsha jarnamalaıdy, satýshylardyń oıynda tek bir ǵana maqsat bar» degen tirkestegi Oriflame jáne Tánshı sıaqty kompanıalardy eske alsaq, sondaı-aq olar da jelilik marketıńtik kompanıalar bolyp tabylady, barlyq ındýstrıany qarjylyq pıramıdalardy anyqtaýmen júrgizedi. Ol "Qarjylyq (ınvestısıalyq) pıramıdalar qyzmetterine qarsy turý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly" Qazaqstan Respýblıkasynyń Zańyna, sondaı-aq Qazaqstan Respýblıkasy Parlamenti Senatynyń depýtaty, Konstıtýsıalyq zańnama, sot júıesi jáne quqyq qorǵaý organdary jónindegi komıtettiń múshesi Vladımır Bobrovtyń óziniń bir suhbatyndaǵy sózine qaıshy keledi.
«QNET-ke» jáne Qazaqstandaǵy QNET agenttigi bolyp tabylatyn Diamond Agencies LLP agenttigine osy másele boıynsha Qamshy.kz aqparattyq portalynyń redaksıasynan, ne jeke jýrnalıs Zamıra Pýlatovadan saýaldar túsken joq, soǵan qaramastan, aqparat pen baılanys kompanıanyń http://www.qnet.net/ru/ resmı saıtynda erkin múmkindikpen ornalastyrylǵan jáne buqaralyq aqparat quraldary ókilderiniń tarapynan saýaldarǵa arnalǵan arnaıy úlgi bar. Saıt TMD elderiniń jýrnalıserine yńǵaıly bolý úshin orys tilinde jumys isteıdi. Sonymen birge “Taqyrypqa ózek bolǵan kompanıaǵa adam shaqyrý aldynda, qyzmetkerler barlyq málimetterdi qupıa ustaıdy” degen paıymdaý da qate.
Aqparat taldamasynyń, máseleler qoıýdyń, suhbat alý qurylymynyń joqtyǵy, sondaı-aq sarapshylar retinde Ál-Farabı Qazaq Ulttyq Ýnıversıtetiniń oqytýshylaryn paıdalaný, olar resmı bıografıaǵa sáıkes eshqashan tikeleı saýda salasynda jáne basqa da relevanttyq bıznes-uıymdarda jumys istemegen, bul jerde aqparattyń mundaı derekterine nazar salmaýshylyq QNET kompanıasynyń ózine, Qazaqstannyń tikeleı saýda asosıasıasyna, sondaı-aq marketıń jáne ekonomıka salasyndaǵy kóptegen basqa da sarapshylarǵa jýrnalısiń obektıvtiligi men onyń kásibı etıka standartymen jumys istemeıtindigine aıtarlyqtaı kúmán týǵyzdy. Jarıalanǵan materıaldyń qurylymy men baǵyty aqparatqa ádeıi sýbektıvti qatynasta qaraǵany jáne jarıalanym avtorynyń tarapynan, sondaı-aq áńgimelesýshi tarapynan derekter men naqtylyqty ádeıi burmalaǵany týraly oıǵa alyp keledi.
Joǵaryda mazmundalǵandardy eskere otyryp, Sizderden maqalany túzetý/teriske shyǵarý múmkindigin qarastyrýyńyzdy ótinemiz. Sondaı-aq, atalǵan taqyrypqa qaıtyp kelgen jaǵdaıda, tikeleı QNET kompanıasyna habarlasýlaryńyzdy suraımyz. Bizdiń tarapymyzdan biz qajetti aqparatty berýge jáne barlyq qyzyqtyratyn suraqtarǵa jaýap berýge mindettenemiz!
Qurmetpen,
Tım Garnı, QNET zańdy máseleler jónindegi aǵa konsýltanty
