Sheshenstan astanasy Groznyı qalasynda ótken RF Prezıdenti Kýbogynda Qazaq eliniń eski ánurany taǵy shyrqaldy. Alaıda, Ilá Ilın men Aleksandr Zaıchıkovtyń tabandylyǵynyń arqasynda Shámshiniń «Meniń Qazaqstanymy» - qazirgi tańdaǵy Memlekettik gımn qaıtadan qoıyldy. Eger de atalǵan azamattardan bólek basqa sportshylar bolsa jańa ánurandy qoıýdy talap etpesten tuǵyrdan túsip keterme edi? Óıtkeni, mundaı jaǵdaı buǵan deıin birneshe ret qaıtalandy.

«Meniń Qazaqstan» ániniń Memlekettik Ánuran bolyp bekitilgenine 10 jylǵa jýyqtady. Mine, osy ýaqyt aralyǵynda ótken halyqaralyq jarystarda birneshe ret eski ánuran shyrqaldy. Ókinishke oraı, 2006 jyldan beri qansha ret óreskel qatelik ketkenin dóp basyp aıtý qıyn. Alaıda keı kezderi eski ánuranmen jylap kórisetin jaǵdaıǵa jettik.

Naqtyraq aıtsaq,  2012  jyly Kýveıtte ótken mergender týrnırinde «Borat» kınofılminiń áni qoıylǵan bolatyn. Bir qyzyǵy, atalǵan saıqymazaq ándi Marıa Dmıtrıenko qolyn júregine qoıǵan kúıi aıaǵyna deıin tyńdap shyqty. Sondaı-aq, Qostanaı oblysynyń burynǵy ákimi Nuraly Sádýaqasov qatysqan is-sharada Memlekettik  Ánuranynyń ornyna Rıkı Martınnyń áni qoıylǵan edi.

Bul az deseńiz bıyl reseılik qazaq Aqtań Súıinisháliın elimizdiń Ánuranyn orys tiline aýdaryp, «aıdy aspanǵa» shyǵardy. Onyń aıtýynsha Memlekettik Ánurandy orys tiline aýdarǵanda turǵan eshqandaı sókettik joq. Sondyqtan da, ol aldaǵy ýaqytta Ánuranymyzdy aǵylshyn jáne qytaı tiline aýdaramyn dep qulshynyp otyr. Alaıda, Aqtańnyń aıtqanymen kelispeıtin azamattar aramyzda barshylyq. Solardyń biri hám biregeıi Marat Madalımov. Onyń aıtýynsha ánurandy aýdarý – qazaqty mazaqtaýdyń birden bir kórinisi.

– Zańgerlerdiń aıtýynsha elimizdiń birinshi nómirli ánin basqa tilge aýdarý arqyly Aqtan Súıinishálın qazaq eliniń qoldanystaǵy zańyn óreskel buzyp otyr. Demek, zańdy buzyp otyrǵan máskeýlik qazaq sóz joq, kodekste kórsetilgen tarmaqtar boıynsha jazasyn alýǵa tıis. Basqasy basqa, bútindeı bir egemen eldiń Ánuranyn ózge tilge aýdaryp, merekelerde shyrqalatyn rok, rep sıaqty «zamanaýı jyndy bılerdiń» qatarynda sekeńdetip qoıý, shynyn aıtqanda, taza kelekeleý bolyp sanalady, – deıdi Marat Madalımov.

Joǵaryda sońǵy 10 jylda birneshe ret eski Ánuranymyzdyń shyrqalǵanyn tilge tıek ettik. Eger dál osylaı qatelik jibere beretin bolsaq, aldaǵy ýaqytta eski Ánuranǵa etimiz ábden úırenip ketýi múmkin. Sondyqtan da, Mádenıet jáne sport mınıstrligi bul máseleni qatań baqylaýyna alyp, olqylyq jibermeýge tyrsyp baǵýy kerek. Ol úshin árıne Arystanbek Muhamedıaulynyń basy baqyttan basy aınalmaı, jerge túsýi tıis. Áıtpese eski ánurandy qoıý qalypty jaǵdaıǵa aınalyp ketýi múmkin.

Onyń ústine, Azıada, dinder forýmy, OSCE samıti, medıaforým, EXPO syndy atynan at úrketin iri halyqaralyq jobalarǵa muryndyq bolyp júrgen Qazaqstannyń óz Ánuranyn jurtqa áli kúnge tanyta almaı kele jatqany qısynsyz emes pe?

Serik JOLDASBAI

Astana