Almaty oblysynda joǵalǵan Aızada Avlatarovanyń aǵasy men sińilisi Ulttyq ulan sarbazdaryna alǵystaryn aıtty, - dep habarlaıdy «Qamshy» portaly Ulttyq ulan «Ońtústik» óńirlik qolbasshylyǵy baspasóz qyzmetine silteme jasap.

Búgin Qazaqstan Respýblıkasy Ulttyq ulany «Ońtústik» óńirlik qolbasshylyǵynda Táýelsizdik kúnine arnalǵan saltanatty shara ótip, onda birqatar úzdik jaýyngerler marapattaldy.

Marapattalǵandardyń ishinde Almaty oblysy İle aýdany Jetigen kentinen shyǵyp bara jatyp joǵalyp ketken 20 jastaǵy Aızada Avlatarovany tabýǵa úlken septigin tıgizgen áskerı qyzmetshiler de bar. Olarǵa «Ońtústik» óńirlik qolbasshylyǵynyń qolbasshysy Álibek Serálıev erekshe qurmet kórsetip, qatardaǵy jaýyngerler Nurjan Tileýhan men Bıbol Bınurovqa týǵan jerine 10 kún demalys jarıalasa, «Zeron» atty ıtpen jumys jasaıtyn kınolog Arman Álimbetov pen jasaq jetekshisi Rýslan Serdalınovty «Ulttyq ulan qyzmetiniń úzdigi» keýde belgisimen nagradtaý úshin Ulttyq ulan Bas qolbasshysyna jedelhat joldady.

Saltanatty is-sharaǵa Aızada Avlatarovanyń aǵasy Toktıev Rýslan Iakımovıch pen sińlisi Gúlzara arnaıy kelip, Aızadany tabýǵa úlken kómegin tıgizgen áskerı qyzmetshilerge úlken rahmetterin aıtty jáne alǵystarynyń belgisi retinde ózderimen birge ulandyqtarǵa arnap «Uıǵyr bıin» ala keldi.  

«Shırek ǵasyrǵa jýyq ýaqyt ishinde táýelsiz elimiz – Qazaqstan Respýblıkasy  ekonomıkalyq, áleýmettik qýatty reformalardy jedel de tıimdi iske qosyp, qaı salada da TMD elderi ishinde kóshbasshy atandy. Biz, bul jetistigimizge ult pen ulystyń tatýlyǵy, demokratıanyń berik negizderi men otandastarymyzdyń janqıarlyq eńbegi sondaı-aq, elim degen esil erlerdiń eren erlikteri arqasynda qol jetkizdik.

Qazaqstan Respýblıkasynyń Ulttyq ulan áskerı qyzmetshileri ózderiniń Otan aldyndaǵy áskerı boryshtaryn adal atqara júrip, memleketimizdiń egemendiginiń nyǵaıýy jolyna qyrýar  úles qosýda. Táýliktiń kez kelgen ýaqytynda qoǵamdyq tártipti saqtaý, strategıalyq mańyzdy memlekettik nysandardy kúzetý, sonymen qatar asa qaýipti qylmyskerlerdi ustaý boıynsha jaýyngerlik mindetterdi oryndap júr.  Sonyń arqasynda ulandyqtar Kúshter qurylymdarynda ózderiniń laıyqty oryndary men baǵasyn alýda» delingen baspasóz qyzmeti taratqan habarlamada.