Keler jyldan bastap «Bolashaq» memlekettik stıpendıasymen oqý úshin talaptar kúsheıtilmek. Bul týraly «Qamshy» portaly Bilim jáne ǵylym mınıstrligi «Halyqaralyq baǵdarlamalar ortalyǵy» AQ-yna silteme jasap habarlaıdy.

Ózgerister atap aıtqanda, talapkerdiń aǵylshyn tilin meńgerý deńgeıine, qajetti eńbek ótili merzimine jáne dımlomnyń ortasha baǵasyna qatysty bolmaq.

«Talaptar kúsheıtiledi. Eńbek ótiline keminde eki jyl merzim, úmitkerlerdiń sanatyna qaramaı aǵylshyn tili boıynsha IELTS 4,0-den 5,0 –ge deıin kóteriledi. Sondaı-aq, dıplomnyń ortasha baly burynǵydaı 2,67 emes, 3,0-den joǵary bolýy tıis» dedi ortalyq prezıdenti Ǵanı Nyǵmetov.

Keler jyly «Bolashaq» baǵdarlamasymen shetelde maman daıarlaý úshin memleket 700-ge jýyq stıpendıa bólmek.