Saýd Arabıasynyń ǵulamalary ekstremızm, lańkestik oqıǵalar men zorlyq-zombylyq kórinisterin qatań túrde synaıdy. Bul týraly Qazaqstandaǵy Saýd Arabıasy Elshiligi taratqan aqparatta aıtylǵan.

«Saýd Arabıasynyń ǵulamalary ekstremızm, lańkestik oqıǵalar men zorlyq-zombylyq kórinisterin qatań túrde synǵa alyp, olardyń ıslam dininiń toleranttyq negizderine túbegeıli qarama-qaıshy ekendigin aıqyndaıdy. Koróldik ǵulamalary lańkestik áreketterdiń qasıetti Quran kárim mátinderi men Muhammed paıǵambardyń súnnetine qarama-qaıshy keletinin jetkizedi. Al bul eki qaınar bulaq Saýd Arabıasy Koróldiginiń Konstıtýsıasy bolyp sanalatynyn aıta ótken jón», - delingen habarlamada.

Sonymen qatar habarlamada Koróldik «ál-Kaıda» men «DAISH»syndy lańkestik uıymdardyń lańkestik áreketterinen sonaý 1995 jyldan beri zardap shegip kele jatqany jáne de olarmen qaýipsizdik, oıshyldyq-fılosofıalyq turǵysynan, sondaı-aq qarjylandyrý negizderin kesý arqyly barynsha kúresip kele jatqandyǵy aıtylǵan.  Koróldik lańkestiktiń taralyp, halyqaralyq deńgeıde kórinis tabatynyn sezip, búkil álemdi odan saqtandyrý qajettiligin eskerte otyryp, lańkestikpen kúresý jolynda halyqaralyq kúsh-jigerdi biriktirý úshineren eńbek atqardy.

Atalǵan máselege qatysty 2005 jyly Er-Rıad qalasynda halyqaralyq yntymaqtastyqty kúsheıtý maqsatynda Qaýipsizdik salasynyń mamandary deńgeıindelańkestikke qarsy alǵash halyqaralyq konferensıa ótkizý bastamasyn usyndy.  Sonymen qatar, BUU-nyń qoldaýymen ári 110 mln. dollar kólemindegi qarjylandyrýymen Lańkestikke qarsy dúnıejúzilik ortalyǵynyń qurylýyna bar kúsh-jigerin jumsady. Koróldik  «Lańkestikke qarsy»  taqyrybyndaǵy qandaı da bir konferensıa bolsyn, halyqaralyq bastama bolsyn, birin de elemeı qalǵan emes.

Koróldik Sırıa men Iraktaǵy daǵdarys jaǵdaıyn, sondaı-aq lańkestik kórinisiniń keń etek jaıyp kele jatqandyǵyn eskerte otyryp, «DAISH» lańkestik uıymyn jeńýdiń birden bir joly - Sırıadaǵy daǵdarys jaǵdaıyn saıası jolmen, Irakta qajetti reformalardy júrgizý arqyly ǵana sheshýge bolatynyn jetkizgen.

Saýd Arabıasy Sırıa men Iraktaǵy «DAISH» lańkestik uıymyna qarsy áskerı koalısıanyń negizin qalaýshy elderdiń biri bolyp tabylady. Koróldik atalǵan uıymǵa qarsy áskerı naýqanǵa úles qosýyn jalǵastyrýda.