Elimizdiń Táýelsizdik kúni qarsańynda Qazaqstan Respýblıkasy Prezıdenti Nursultan Nazarbaevtyń Jarlyǵymen eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi jáne belsendi qoǵamdyq qyzmeti úshin azamattardyń úlken bir toby memlekettik nagradalarmen marapattaldy. 

Olardyń qatarynda mádenıet, ǵylym, bilim berý, densaýlyq saqtaý salalarynyń kórnekti qaıratkerleri, óndiris, bıznes salasynyń ókilderi, quqyq qorǵaý organdarynyń qyzmetkerleri, áskerı qyzmetshiler, sportshylar, soǵys jáne eńbek ardagerleri bar, dep habarlaıdy Aqordanyń baspasóz qyzmeti.                                                          

«Qazaqstannyń Eńbek Eri» ataǵy Qazaqstan Respýblıkasyn ekonomıkalyq damytýdaǵy jáne  óndiristik qyzmettegi asa úzdik jetistikteri  úshin «Eýroazıattyq energetıkalyq  korporasıasy» AQ «Vostochnyı» razreziniń mehanıgi R.B.Ámirenovke, Taraz qalasynyń «Qazfosfat» JSHS bas dırektory M.Z.Iskandırovke, Qostanaı oblysynyń «Altynsarıno» JSHS dırektory B.P.Knázevqa berildi.

«Otan» ordenimen Shyǵys Qazaqstan oblysynyń «Kamyshınskoe-2» JSHS dırektory V.I.Akýlov, jazýshy Á.Ó.Áshimov jáne sazger E.Ó.Hasanǵalıev, «Qazaqstan Respýblıkasynyń Tuńǵysh Prezıdenti - Elbasy  Nursultan Nazarbaev» ordenimen Prezıdent Ákimshiliginiń Basshysy N.Z.Nyǵmatýlın jáne Qyzylorda oblysynyń ákimi Q.E.Kósherbaev, İ dárejeli «Barys» ordenimen - Parlament Senatynyń depýtaty M.Q.Altynbaev, İİ dárejeli «Barys» ordenimen - Parlament Májilisiniń depýtaty A.T.Perýashev, «L.Gýmılev atyndaǵy Eýrazıa ulttyq ýnıversıteti» RMK rektory E.B.Sydyqov, İİİ dárejeli «Barys» ordenimen - «Qazaq ulttyq óner ýnıversıteti» RMM profesory Sh.Q.Abılov, «Q.Jubanov atyndaǵy Aqtóbe óńirlik memlekettik ýnıversıteti» RMM profesory A.A.Aıtaly, Qyzylorda oblysynyń «Jańajol» JSHS dırektory Q.Ábishev, «Orta Azıa elektro-energetıkalyq korporasıasy» AQ dırektorlar keńesiniń tóraǵasy A.Ia.Klebanov, «Qazaqstan Respýblıkasy Kásipodaqtar federasıasy» kásipodaqtar respýblıkalyq birlestiginiń tóraǵasy Á.Q.Qusaıynov, Shyǵys Qazaqstan oblysynyń «Agrofırma «Prırechnoe» JSHS dırektory M.Tumabaev jáne basqalar marapattaldy.               

Bir top belgili ǵalymdar men mádenıet, bilim qaıratkerleri, óndiristik sala  ókilderiniń eńbegi «Parasat»  ordenimen atap ótildi, olardyń arasynda ánshi N.M.Abdýllın, «Ǵ.Músirepov atyndaǵy Qazaq memlekettik akademıalyq balalar men jasóspirimder teatry» RMQK ártisi L.T.Káden, «Nazarbaev Ýnıversıteti» DBBU prezıdenti Katsý Shıgeo, akademık Ó.Q.Mádıev, Ońtústik Qazaqstan oblystyq Ardagerler keńesiniń tóraǵasy J.Máýlenqulov, «M.Áýezov atyndaǵy Qazaq memlekettik akademıalyq drama teatry» RMQK ártisi R.Á.Mashýrova, Almaty oblysynyń «Hılnıchenko jáne K» KS tóraǵasy V.P.Hılnıchenko, prodúser Q.K.Shalabaev, «Aqmola vagon jóndeý zaýyty» AQ bas dırektory Z.R.Shıbkenov bar.

İİ dárejeli «Dostyq» ordenine «Qazaqstan teatr qaıratkerleri odaǵy» RQB tóralqasynyń tóraǵasy T.Q.Jamanqulov, «Koró» Jambyl oblysynyń koreıler qaýymdastyǵy» QB prezıdenti L.A.Kan, «Qazaqstandyq dúngender qoǵamdastyǵy» QB basqarma múshesi Sh.H.Hahazov jáne basqalar ıe boldy.

«Qurmet» ordenimen marapattalǵandar qatarynda Almaty oblysynyń «Qapshaǵaıaýyrqurylys» AQ bas dırektory M.Aısaýytov, «Ál-Farabı atyndaǵy Qazaq ulttyq ýnıversıteti» RMK kafedra meńgerýshisi Iý.V.Arhıpov, «Qazaqstan Respýblıkasy Ulttyq Bankiniń Qazaqstan teńge saraıy» RMK oıma sheberi E.T.Ahmetov, Ońtústik Qazaqstan oblysy «Birinshi mamyr» jalpy orta mektebi» KMM dırektory P.Aıýbaev, «Qazaq ǵylymı-zertteý mádenıet ınstıtýty» JSHS aǵa ǵylymı qyzmetkeri A.N.Garkaves, «Áleýmettik áriptestik ortalyǵy» KQ bas dırektory N.K.Erimbetov, «Mańǵystaý oblysy boıynsha isker áıelder qaýymdastyǵy» QB tóraıymy S.B.Jaqaeva, Aqmola oblysy «İzbasarov jáne K» JSHS dırektory B.Q.İzbasarov, «Atyraý bekire balyq ósirý zaýyty» RMQK tehnık-balyq ósirýshisi G.S.Ihsan, «B.Rımova atyndaǵy Taldyqorǵan drama teatry» MKQK ártisi A.N.Kenjebekova, aqyn Ó.N.Kúmisbaev, «Qazaqstan uıǵyrlarynyń respýblıkalyq etnomádenı ortalyǵy» QB tóraǵasy Sh.Ý.Nýrýmov, Almaty qalasy «Belorýs mádenı ortalyǵy» RQB tóraǵasy L.N.Pıtalenko, Astana qalasy «Ońtústik» aqparat-logıstıka ortalyǵy» - «Qazposhta» AQ fılıalynyń jolserik-elektr jóndeýshisi S.P.Rýsanov, «Kardıologıa jáne ishki aýrýlar ǵylymı-zertteýler ınstıtýty» RMK bas konsýltanty A.J.Rysmendıev, «J.Elebekov atyndaǵy Respýblıkalyq estradalyq-sırk koleji» RMQK dırektory J.Seıdýllauly, «Prostor» jýrnalynyń redaktory L.K.Shashkova bar.

«Eńbek Dańqy»  ordeniniń alǵashqy ıegerleri bolyp ónerkásip, transport, qurylys, aýyl sharýashylyǵy jáne basqa materıaldyq óndiris salalarynyń 52 jumysshysy men eńbekkeri atandy.

«Qazaqstannyń eńbek sińirgen qaıratkeri» qurmetti ataǵy ǵylym, má­denıet  jáne áleýmettik sa­lanyń 50 kórnekti ókiline berildi. Qazaqstan Respýblıkasynyń Qurmet gramotasymen 326 adam nagradtaldy.

Áskerı jáne qyzmettik bor­y­shyn úlgili atqarǵany, zańdylyq pen quqyqtyq tártipti qamtamasyz etýde, eldiń ulttyq qaýipsizdigi men qorǵanys qabiletin nyǵaıtý kezinde kórsetken erligi men qajyrlylyǵy úshin áskerı qyzmetshiler, quqyq qorǵaý organdary ókilderiniń bir toby İ jáne İİ dárejeli «Dańq» ordenimen, İ, İİ jáne İİİ dárejeli «Aıbyn» ordenderimen, «Erligi úshin» jáne «Jaýyngerlik er­ligi úshin» medaldarymen marapattaldy.

Nagradtalǵandardyń  tizimi jergilikti baspasózde jarıalanady.