Qazaqstan Repýblıkasynyń Ulttyq banki Qazaqstannyń valúta baǵamynda qalyptasqan jaǵdaıǵa túsinik berdi, - dep habarlaıdy «Qamshy» portaly Ulttyq bank saıtyna silteme jasap.

Ulttyq bank saıtynda eldiń valúta naryǵyndaǵy jaǵdaıǵa baılanysty habarlama ornalastyrylǵan. Onda teńgeniń aıyrbas baǵamy álemdik qarjy, taýar naryǵyndaǵy jaǵdaıǵa jáne ishki naryqtaǵy shetel valútasyna suranysqa baılanysty qalyptasyp otyrǵany aıtylǵan.

«2014-2015 jyldardaǵy munaı baǵasynyń tómendeýi tólem balansynyń nasharlaýyna, sol arqyly ishki naryqtaǵy teńdiktiń buzylýyna alyp keldi. 2015 jylǵy Brent markaly munaı baǵasynyń 44,4 dollardan 37,8 dollarǵa, ıaǵnı 15 paıyzǵa arzandaýy aıyrbas baǵamyna qosymsha qysymǵa alyp keldi» delingen onda.

Sondaı-aq, Ulttyq bank ishki naryqtaǵy teńge baǵamynyń qysqamerzimdi tolqýyn retteýge qatysatynyn, alaıda, sheteldik valútaǵa suranys pen usynysty anyqtaýshy irgeli faktorlardyń yqpalyna kedergi aralaspaıtynjyǵyn aıtylady.