Astanada QR Qorǵanys mınıstri Imanǵalı Tasmaǵambetov QR Qarýly Kúshteriniń birqatar ofıserleri men vedimistik baǵynysty uıymdardyń qyzmetkerlerine memlekettik nagradalardy tabystady. Bul týraly «»QamshyQ portaly mınıstrliktiń baspasóz qyzmetine silteme jasap habarlaıdy.
«Sizder ózderińizdiń Otanǵa degen sheksiz qyzmet etýlerińizben ǵana emes, barsha qazaqstandyq úshin qasıetti is táýelsiz elimizdiń ár úıinde beıbitshilik pen tynyshtyqty saqtaı otyryp, únemi úzdik jáne jaýapty bolý sheberlikterińizben bul nagradalardy alýǵa ábden laıyqsyzdar. Sondyqtan bul nagradalardy qabyldaı otyryp, Sizder elimizdiń basshysynyń ǵana emes, sonymen birge áskerı adamǵa qurmetpen qaraıtyn barsha qazaqstandyqtardyń joǵary baǵasyn alyp otyrǵandaryńyzǵa senimdimin. Joǵary Bas Qolbasshyǵa, memleketimiz ben halyqqa ári qaraı adal qyzmet etetinderińizge kámil senimdimin», - dedi QR Qorǵanys mınıstri Imanǵalı Tasmaǵambetov.
2015 jylǵy 3 jeltoqsandaǵy QR Prezıdentiniń Jarlyǵyna sáıkes general-maıor Jomart Qýanǵalıev İİ dárejeli «Dańq» ordenimen, polkovnık Ádil Bekov, Muratjan Jumaǵazıev, polkovnık Qaısar Mugalov, polkovnık Tóleýbek Súleımenov İİ dárejeli «Aıbyn» ordenimen marapattaldy.
Zapastaǵy general-maıor Dıhanbek Satylganov pen «Qazaqstan ınjınırıń» UK» AQ-tyń korporatıvtik damý departamentiniń dırektory Kenjebaı Satjanov «Qurmet» ordeniniń ıegerleri atandy.
Odan basqa, QR Qorǵanys mınıstriniń buıryǵyna sáıkes podpolkovnık Ásker Beısenov (merzimnen buryn polkovnık ataǵyn) jáne maıor Sergeı Chernenok (merzimnen buryn podpolkovnık ataǵyn) merzimnen buryn kezekti áskerı ataǵyn aldy.
