Jeltoqsannyń jıyrma birinshi juldyzynda 31 arnada «Kúıeý bala» atty jańa tartymdy úndi serıalynyń tusaýkeseri ótedi. Bul qarapaıym qyzyqsyz hıkaıalardyń qataryna jatpaıdy. Ǵajaıyp Ýndistannyń áserli, meıirimge toly, qyzyqty oqıǵalarmen órbigen hıkaıasy. Bul teleıkaıada kazirgi Úndistannyń ásemdiligi, kedeıler men baılardyń ómiriniń baılanysy beınelengen. Kedeılerdiń mekeni jáne keremet aımaqtar, qarapaıym kedeılerdiń asa meıirimdiligi jáne jónsiz, aqylǵa syımaıtyn baılardyń tákapparlyqtary.

Telehıkaıanyń sújeti bir-birinen jasyryp kelgen qupıalary bar erli-zaıyptylar týraly. Kórikti Roshnı óziniń baı jáne ataqty anasynyń jalǵyz murageri. Kishkentaı kezinen molshylyqta óskenine qaramastan, ómirdiń eń mańyzdysy, anasynyń mahabbatyn sezinbedi. Anasy men qyzynyń ara-qatynastary múlde sýyq, túsinispeýshilikke toly. Biraq bunyń bári Roshnıge óte meıirimdi, adal jan bolyp ósýine kedergi bola almady.  

Roshnıdiń ishki jan dúnıesi – ójet. Ony anasynyń dáýleti múlde erke-totaılyqqa úıretpedi, kerisinshe Roshnı jaǵdaılary tómen kedeılerdiń qamyn oılap, barynsha kómek kórsetýge tyrysyp, shylqyǵan baılardy unatpaıdy. Bir kúni Roshnıdiń ómirinde Sıdhart Sıng Khýrana degen Úndistandaǵy eń dáýletti adamy paıda bolady. Sıdhart Roshnıdi bir korgennen jaqsy kórip qalady, biraq Roshnıdiń baılarǵa degen kózqarasyn bilip, Roshnı oǵan qaramaıtanynan qorqyp, ótirik ortasha jaǵdaıly azamat bolyp kórinedi. Kóp uzamaı jastar úılenip, otbasy qurady.  

Tipti úılengen soń, Sıdhart Roshnıge shyndyqty aıtýǵa dáti barmady. Roshnı eshteńe sezbeı, baqytty ómir súredi. Alaıda, kúnderdiń kúninde Sıdharttyń syry ashylady. Sıdhart qashanǵa deıin qupıasyn jasyra alady? Roshnı kúıeýiniń ótirigin keshire alady ma? Roshnı óziniń kózqarastaryn ózgertip, baı ári dáýletti adamnyń áıeli retindegi mártebesine kónedi me?

Sonymen, «Kúıeý bala» serıaly 21-shy jeltoqsannan bastap saǵat 23:00de «31 arnada».