Iýrıı Krasnojan Qazaqstan quramasynyń bas bapkeri qyzmetinen ketedi, - dep habarlaıdy Vesti.kz tilshisi málimeti bar derekkózge silteme jasap. 

Reseılik maman Qazaqstan quramasyn 2014 jyldyń aqpanynan beri basqaryp keledi. Kelisimshart eki jyldyq merzimge qol qoıylǵan, alaıda qujatta taǵy eki jylǵa merzimdi uzartý týraly pýnkt bar.  

Krasnojan merzimi taqap qalǵan kelisimshartty uzartý jóninde Qazaqstannyń Fýtbol federasıasymen kelise almaǵan kórinedi. Al onyń ornyna kimniń keletini jaıly aqparat ázirshe joq. 

Qazaqstan quramasy Krasnojannyń jetekshiligi kezinde Eýro-2016 irikteý kezeńinde A tobynda bir komandadan ǵana oza aldy, ujym on machta bes upaı jınady. Osyǵan deıin Krasnojannyń "Mordovıany" basqaratyny jaıly málimet taralǵan edi.