Bul týraly «Qamshy» portaly diapazon.kz.- ke silteme jasap habarlaıdy.

Birneshe fýtbolshy-legıonerlerdiń aılyq tabysy týraly oblystyq fýtbol asosıasıasynda ótken kezdesýde málim boldy.

Buǵan oblys ákimi Berdibek Saparbaev kóńili tolmaıtynyn jetkizgen. Onyń aıtýynsha, oblysta jalaqy qory jalpy shyǵynnyń 77 paıyzyn quraıtyn oblysta basqa mekeme joq kórinedi. Bul somaǵa oıynshylar satyp alý men is-saparlardy qossa, klýb búdjetiniń 90 paıyzyn eńbekaqy shyǵyndary quraıdy eken.

Oblys ákiminiń aıtýynsha, keıbir legıonerlerdiń aılyǵy 57-67 myń EÝRO kóleminde kórinedi. Máselen, Anderson Santana – 61 myń AQSH dollary, Markos Pızzelı – 75 myń AQSH dollary, Danılo Sırıno – 57 myń EÝRO, Danılo Nesko – 67 myń EÝRO aılyq alady.

Oblys basshysy fýtbolshylardyń oıyndaryn da synǵa aldy.

«Mundaı jalaqy alǵan soń olar úzdik nátıde kórsetýleri kerek qoı. Eger shabýyldaýshy bolsa, ár oıyn saıyn bir goldan oǵyp tursyn. Meniń bilýimshe Hıjnıchenok toǵyz ǵana gol soqty. Oǵan biz osynshama aqsha ne úshin tóledik? Danılo Sırıno bar-joǵy 2 gol soqty, Danılo Nekoniki 6 gol. 67 myń EÝRO Qazaqstandaǵy eń joǵary jalaqy dep oılaımyn», - degen B. Saparbaev klýbtaǵy kezdesýde tolyqtaı búdjetten qarjylandyrylatyn komanda shyǵyny týraly oılanýdy tapsyrdy.