Sýrgýtta turatyn erkin kúresten sport sheberine úmitker Qymbat Tákenova Túmende ótken qazaq sulýlarynyń oblystyq baıqaýynda «Mıss sulý qyz-2015» ataǵyna ıe boldy. Bul týraly «Qamshy» portaly QazAqparatqa silteme jasap habarlaıdy.
Bıylǵy jyly sulýlyq baıqaýy Qazaq handyǵynyń 550 jyldyǵyna arnalǵan, oǵan segiz boıjetken qatysty. Olardyń arasynda Qazaqstan azamatshasy - Túmen memlekettik ýnıversıtetiniń jańa tarıh jáne álemdik saıasat fakúltetiniń magıstratýra stýdenti, almatylyq Mereke Jaqypbek boldy. Ol bul baıqaýda vıse-mıss atandy.
«Sulý qyz» baıqaýy Túmende 2010 jyldan beri ótkizilip jatyr. Sharanyń basynda sóz sóılegen Qazaqstan Respýblıkasynyń Túmendegi Qurmetti konsýly Seıilhan Maqash 2015 jyldyń Qazaqstan jáne álemdegi barlyq qazaqtar úshin «Nurly jol» memlekettik baǵdarlamasynyń bastalýyna jol ashqan jáne Qazaq handyǵynyń 550 jyldyǵy atap ótilgen jyl retinde mańyzyn atap ótti.
Baıqaýdyń qatysýshylary Qazaq handyǵynyń negizi qalanýy taqyrybyna kórinister daıyndady. Boıjetkender Jánibek pen Kereı handar, Qasym han men Táýke han, Abylaı han men Esim handar týraly baıandady. Olar daıyndaǵan teatrlandyrylǵan kórinisterge dostary qatysty. Ekranda Qazaq handyǵy taqyrybyndaǵy sújetter kórsetildi. Atalymdar arasyndaǵy úzilisterde kórermenderdiń aldynda Túmendegi «Mereı» qazaq ansambli men bı toptary óner kórsetti.
Baıqaýdyń bas júldesi avtomobıl boldy. Sulý qyz ataǵyna ıe bolǵan Qymbat Tákenova Túmen munaı-gaz ýnıversıtetinde bilim alýda.
