«Qazaqstan» ulttyq arnasyndaǵy «Qazaqstan» daýysy án baqaýynyń úshinshi maýsymy búgin máresine jetti. Kórermen daýsymen joba jeńimpazy bolyp Mońǵolıadan kelip, baǵyn synaǵan jas ánshi Muratbek Haırolda tanyldy. Muratbek jobadan tanymal estrada ánshisi Nurlan Albannyń tálimgeri bolǵan edi.

Jeńimpaz uıymdastyrýshylar taǵaıyndaǵan 5 mıllıon teńgege ıe boldy.

Esterińizge salsaq, «Qazaqstan daýysy» 2013 jyldan bastap ulttyq arnada jaryq kórip kele jatqan joba.

Joba sharty boıynsha qatysýshylar tek daýysqa ǵana súıenip baq synasady. Júzden asa qatysýshylardyń ishinen Mádına Sádýaqasova, Almas Kishkenbaev, Nurlan Alban men Rústem Nurjigit syndy qazaq estaradasynyń juldyzdary óz komandasyn jınaıtyn bolady. Tyńdaý synaǵy kezinde juldyzdy ádil-qazylar alqasynyń músheleri qatysýshylyrdyń ózderin kórmeı-aq olarǵa baǵa beredi. Qorytyndysynda tórt top alǵa sýyrylyp shyǵatyn bolady. Al fınalǵa solardyń ishinen tek tórteýi ǵana ótedi. Jobanyń jeńimpazy halyqtyń onlaın daýys berýi arqyly anyqtalady.