Almaty oblystyq kóp salaly klınıkalyq aýrýhanasy bosandyrý bólimshesiniń dárigerleri segiz jyl ishinde 22 náresteni zańsyz satqan, - dep habarlaıdy «Qamshy» portaly KTK telearnasyna silteme jasap.

Quramyna akýsher dárigerden bastap bólimshe meńgerýshisine deıingi aralyqtaǵy 10 dáriger medısınalyq qyzmetker kiretin qylmystyq top osy ýaqytqa deıin jasyryn áreketterin «jemisti» júrgizip kelgen. Tergeý nátıjesinde belgili bolǵandaı, olar ár náresteni 150 myń teigeden bastap 6 myń AQSH dollaryna deıingi aralyqta saýdalaǵan.

Qylmystyq top bosanatyn jalǵyz basty áıelderdi azǵyryp, balasynan bas tartýǵa úgittegen. Qatelikpen júkti bolǵan jas qyzdarǵa týys-týǵannyń aldynda uıatqa qalmaýdyń, qolaısyz máseleden ońaı «qutylýdyń» jolyn usynǵan. Alaıda, bosanǵan kelinshekter bas tartqan sábıleri balalar úılerine ótkiziledi dep oılap, saýdadan habarsyz bolǵan. Bas tartý qaǵazyna qol qoıǵyzyp alǵan soń, dárigerler klıent izdeýge kirisetin bolǵan. Bala satyp alýshylar, ádette, sábı dúnıege kelgen soń 3-4 kún ishinde tabylyp otyrǵan.

Sońǵy bala satý oqıǵasy osy jyldyń kókteminde áshkerelenip, qylmystaq top jaýapqa tartylǵan.

Aýrýhananyń jańa basshysy Jumahan Moldaqulov qazirgi tańda aýrýhanada qaýipsizdik sharalaryna qatań mán beriletinin, naýqastar men bosanatyn áıelder jiti baqylaýǵa alynǵanyn aıtyp otyr.