Qytaı qazaqtaryn shýlatqan bul araq jaqynda ǵana satylymǵa shyqqan kórinedi. Esterińizde bolsa, kórshimiz osydan birneshe jyl buryn dombyra pishindi «jyndy sý» shyǵaryp ta, qazaqtyń tamyryn basyp kórgen. Iisi qazaq «ulttyq qundylyǵymyzdy qorlatpaımyz» dep qansha aıqaılasada, bizdiń bılik myńq demep edi... Endi mine atalarymyz ben ájelerimizdiń san ǵasyrlyq kóz maıyn taýysyp, urpaqqa qaldyrǵan uly murasy – oıý-órnekterde ázázil araqtyń sánine aınaldy.

 Qazirge memleketqurshy qazaq ulty bolyp tabylatyn Qazaqstannyń resmı bıligi de, «strategıalyq áriptes», «tatý kórshi»  dep sanalatyn Qytaı bıligi de bul bassyzdyqqa ún qatqan joq.  Tek qaımana qazaq namystan jaralyp bara jatyr... Eger memleket retinde, ult retinde óz quqyǵymyzdy talap ete almasaq, Alty Alashtyń rýhyn aıaqqa taptaǵanmen birdeı bolamyz. Tipti, aldaǵy ýaqytta «Tóle bı», «Qabanbaı batyr», «Domalaq ana» dep atalatyn araq-sharapty qolynda spırti bar kez kelgen adam, kez kelgen el shyǵaryp jatsa tańǵalmańyz!