«Qazaqstan» ulttyq arnasy jarıalaǵan «Jyl tańdaýy – 2015» baıqaýy boıynsha qazaq kásipqoı boksshysy Qanat Islam «Jyldyń úzdik sportshysy» ataǵyna ıe boldy, - dep habarlaıdy «Qamshy» portaly.

Baıqaý «Úzdik baǵdarlama» («Jaıdarman» televızıalyq jobasy(, «Úzdik otandyq telehıkaıa» («Jańa qonys» telehıkaıasy(, «Úzdik júrgizýshi» (Gúlnaz Aýdanbaeva( nomınasıalary boıynsha da úzdikterdi anyqtady.

Qazaqstandyq kásipqoı boksshy Qanat Islamuly WBA FedeCaribe tujyrymynyń chempıony. Iaǵnı, Qanat Islam ortasha jeńil salmaq boıynsha Karıb aımaǵynyń úzdigi. Áýesqoı boksshy retinde Qytaı Halyq Respýblıkasy Ulttyq qurama komandasynyń quramynda Pekın Olımpıadasynyń qola júldegeri, Chıkagoda ótken Álem chempıonatynyń (2007) jáne Azıa oıyndarynyń (2006) qola júldegeri. Qytaıdyń 10 dúrkin chempıony.

2010 jyly azamattyǵyn aýystyryp, atamekeni Qazaqstanǵa kóship kelip "Astana Arlandary" kásibı klýbynyń múshesi bolyp 2012 jylǵa deıin óner kórsetken. Qazir kásipqoı boksshy, Nelson promoýterlik klýb atynan shyǵyp 12 jekpe jek ótkizip onyn nokaýtpen jeńiske jetken. Laqap aty - Qazaq.

Maıamı qalasynda jattyǵady. Qanat Islam qazir Dúnıejúzilik boks keńesiniń (WBC) erejesi boıynsha álem chempıony ataǵyna talasýǵa múmkindigi bar.

Qarasha aıynda Qanat kásipqoı bokstaǵy jıyrmasynshy kezdesýin Maıamı qalasynda domınıkandyq boksshy Djonatan Batıstamen ótkizip, birinshi raýndta-aq jeńispen aıaqtaǵan bolatyn.