1 qańtardan bastap Astanada jylý, sý jáne elektr energıasyn tutyný baǵasy qymbattady, - dep habarlaıdy KazTAG.

«Astana-teplotranızıt» AQ, «Astana-REK» AQ, «Astana sýr arnasy» MKK-nyń usynystary qarastyrylyp, 2016-2020 jyldarǵa arnalǵan tarıfter deńgeıi bekitildi. Ol tarıfter 2016 jyldyń 1 qańtarynan bastap kúshine enedi», - delingen Astana qalalyq tabıǵı monopolıalardy retteý jáne básekelestikti qorǵaý departamenti taratqan habarlamada.

Sonymen, «Astana-REK» usynatyn elektr energıasynyń baǵasy buryn kVt/saǵatyna 2,89 teńge bolsa 2016 jyly qosymsha qun salyǵynsyz 3 teńge, 2017 jyly 3,06 teńge, 2018 jyly 3,08 teńge, 2019 jyly 3, 10 teńge, 2020 jyly 3,11 teńgege ósetin bolyp bekitildi.

 Al, aýyzsý baǵasy («Astana sýr arnasy» MKK) tekshe metri úshin QQS qospaǵanda 72,49 teńgeden 94,25 teńgege ósip otyr. Sondaı-aq, turǵyndardyń sýdy paıdalaný deńgeıine qaraı dıfferensıaldy tarıfi alynyp tastaldy. Endi barlyq turǵyndar úshin qansha sý paıdalanǵanyna qaramastan birińǵaı tarıf qoldanylmaq.

Jylý baǵasy da aldaǵy bes jylda óse bermek. Iaǵnı, 2016 jyly 1 Gkal jylý úshin 1070 teńge, 2017 jyly 1134 teńge, 2018 jyly 1202 teńge, 2019 jyly 1262 teńge, 2020 jyly 1325 teńgege óspek. Bul baǵalarǵa qosymsha qun salyǵy enbegen.