Qaıtalap aıtamyn, bul soǵys - orysty, búginge deıin bar jıǵan-tergen abyroıynan(eger bar bolsa) jurdaı qylatyn soǵys! Osyǵan uqsas pikirdi myna men emes, orystyń óz zıalylary aıtyp otyr.Oǵan dálel, orystyń belgili patrıot kompozıtory ári tanymal ánshisi Andreı Makarovıch aıtyp otyr. Bul - ázirge ǵana. Erteń Ýkraınadaǵy orys basqynshylyǵy etek alǵan jaǵdaıda, orystyń ozyq oıly basqa zıalylary da úndemeı qalmasy daýsyz. Bul Reseı áskeriniń Qyrymdaǵy basqynshylyǵy - jer betindegi barlyq orys ataýlyny jerge qaratatyn soǵys! Onsyz da búginge deıin «orys» dese, birinshi bolyp kóz aldaryna mojan-topaı, jýan judyryq, baryp turǵan jan alǵysh ázireıil elesteıtin álemniń basqa halyqtary endi jylap qoımaı qoıǵan balasyn: «áne, orys kele jatyr!» dep ýatatyn bolady. Budan keıin, basqa memlekettterde turyp jatqan orystar jappaı óz otandaryna qashyp baratyn bolady. Qazirdiń ózinde batys Ýkraınadan, shyǵys bóliktegi qalalardan, Qyrymnan 200 myńnan astam orystar Reseıge qaraı aǵylýda. Ásirese, burynǵy TMD memleketterinde turyp jatqan orystarǵa degen senimsizdik artatyn bolady. Óıtkeni, Reseı prezıdenti: «biz Ýkraınada turyp jatqan qandastarymyzǵa qaýip tóngennen keıin ǵana, amalsyzdan osy soǵysqa baryp otyrmyz» dedi. Ol ýkraın patrıottarynan tónip turǵan qaýipten sol memlekette turyp jatqan basqa halyqtardy qutqarý týraly eshteńe aıtpady. Osy pikiri arqyly-aq, jergilikti halyqtardy óz orystaryna qarsy qoıyp alǵanyn, bul adam bile me eken? Sonymen birge bul adam búginge deıin bedelinen jáne taǵynan kúshtep taıdyrylǵan, talaı jazyqsyz jannyń qanyn moınyna júktegen, óz memleketinen 12 mlrd AQSH dollaryn urlap ketken, soǵan baılanysty onyń shetelderdegi esep-shottary buǵýlanǵan, halyqaralyq izdeý jarıalanǵan, álemniń birde-bir memleketi moıyndamaıtyn, qazir Reseıde bassaýǵalap júrgen Ianýkovıchti áli de Ýkraınanyń zańdy prezıdenti sanaıtynyn da ashyq aıtyp saldy. Iaǵnı, Reseı bul soǵysqa eń aldymen Ianýkovıch úshin baryp otyr degen sóz! Sońǵy habarǵa qaraǵanda, azatker Ýkraınanyń qarýly kúshteri qandaı basqynshylyqqa da toıtarys bere alatyndaı áskerı saqadaı-saı kúıde tur. Ýkraınanyń ult patrıottary el basyna tóngen myna qıyn sátte qolushtaryn berýge Batys elderin, AQSHty, t.b. memleketterdiń nazaryn ózderine aýdarýda. Sonymen birge ýkraıyndyqtar Reseı bodanyndaǵy Kavkaz, Sheshen jáne basqa ult patrıottaryn azattyq úshin kúreste bir saptan tabylýǵa úndeýde. «2015 jyl - Reseı ımperıasynyń bólshektenetin jyly» dep, buǵan deıin batys sáýegeıleri aıtyp júrgendeı, túbi bul basqynshylyq soǵysta Reseı memleketi moraldyq jáne materıaldyq turǵydan aýyr soqqyǵa tap bolatyny aıdaı aqıqat! Soǵystyń úlken-kishisi, aýyr-jeńili bolmaıdy. Onyń jeńetin jáne jeńiletin jaǵy bolady. Bul joly da solaı bolǵaly tur. Basqasyn aıtpaǵanda, keshegi Sovet áskerleriniń Aýǵanstanǵa basyp kirgeni, soǵystyń uzaqqa sozylǵany, kóp shyǵyn shekken sovet áskerleriniń ol elden tabandaryn jaltyratqany - keshe ǵana sıaqty edi. «Tarıhtan sabaq almaǵan - túbi ońbaı opyq jeıdi!» degen naqyl sózdi umytpaǵan jón sıaqty ma, qalaı?..