Reseıdiń qor jáne valúta naryqtarynda quldyraý bastaldy. Investorlar Reseı Federasıa keńesiniń 1 naýryzda Ýkraına terıtorıasyna Reseı áskerin kirgizý týraly sheshiminiń ekonomıkalyq saldary bolady dep alańdaıdy. Reseıdiń shıkizat kompanıalary men bankteriniń aksıalarynyń quny túse bastady. "Gazpromnyń" qundy qaǵazdary - 11 paıyzǵa, "Ýralkalıı" aksıalarynyń quny - 11 paıyz, "VTB" bankiniń aksıalary - 12,5 paıyz, "Sberbank" aksıalarynyń quny - 8 paıyzǵa arzandady. "Mechel" metalýrgıalyq kompanıasynyń aksıalary 26 paıyzǵa arzandap, bul kompanıanyń  aksıalaryn saýdaǵa shyǵarý toqtatyldy. Dollar men eýronyń rúblge shaqqandaǵy baǵamy buryn-sońdy bolmaǵan deńgeıde qymbattady. Reseı ortalyq banki ınflásıa men qarjylyq turaqsyzdyqty boldyrmas úshin paıyzdyq mólsherlemeni 5 paıyzdan 7 paıyzǵa deıin ýaqytsha qymbattatýǵa sheshim qabyldady. Sarapshylardyń baǵalaýynsha, Reseı bırjalaryndaǵy quldyraý 2008 jyly tamyzda Reseı-Grýzıa soǵysy kezinde bolǵan quldyraýdan eki ese asyp túsedi.

"Azattyq radıosy"