بۇگىن - قازاقستاندا العىس ايتۋ كۇنى.  قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ 2016 جىلعى 14 قاڭتارداعى جارلىعىمەن قازاقستاندا العىس ايتۋ كۇنى بەكىتىلدى.

1995 جىلدىڭ 1 ناۋرىزىندا ەلىمىزدە  قازاقستان حالقى اسسامبلەياسى قۇرىلدى جانە 2015 جىلى اسسامبلەيانىڭ جيىرما جىلدىعىن مەرەكەلەۋ اياسىندا مەملەكەت باسشىسى بۇل كۇندى حالىقتاردىڭ بىر-بىرىنە جانە قازاقتارعا كوپتەگەن حالىقتار ەلگە كۇشتەپ قونىستاندىرىلعان كەزدە  توزىمدىلىك پەن قوناقجايلىلىق تانىتقانى ءۇشىن العىس بىلدىرە الاتىن كۇن دەپ جاريالاۋدى ۇسىندى.

ەلىمىزدە 130-دان استام ۇلت پەن ۇلىس وكىلدەرى ءبىر ءۇيدىڭ بالاسىنداي عۇمىر كەشۋدە. قازاقستان - ازاماتتىق كەلىسىمدى، ءتۇرلى مادەنيەتتەر پەن دىندەردى توعىستىرعان كوپۇلتتى، زايىرلى مەملەكەت.

بۇل كۇنى استانادا كوپتەگەن شارالار ۇيىمداستىرۋ كوزدەلىپ وتىر. ۇلتتىق ۇلان اسكەرى قولباسشىلىعى العىس ايتۋ كۇنىنە تاقىرىپتىق كەش وتكىزگەلى وتىر. قازاقستان رەسپۋبليكاسىنىڭ ۇلتتىق مۋزەيىندە «مۇراجايعا كىتاپتى سىيعا تارتۋ» شاراسى وتەدى. «كەرۋەن» ساۋدا ويىن-ساۋىق ورتالىعىندا «قازاقفيلم» ستۋدياسى شىعارعان «اناعا اپارار جول» ءفيلمىنىڭ پرەمەراسى وتپەك.

سونداي-اق وسىنداي مادەني-بۇقارالىق شارالار ەلىمىزدىڭ بارلىق وبلىستارى مەن تۇپكىر-تۇپكىرىندە وتەدى.