قاراعاندى وبلىسىنداعى جاڭاارقا اۋدانىنىڭ پروكۋرورى الماس ايتبەكوۆ ار-ۇجدان كودەكسىن بۇزعانى ءۇشىن جۇمىسىنان بوساتىلدى، - دەپ حابارلايدى «قامشى» پورتالى قازاقپاراتقا سىلتەمە جاساپ.
«ق ر باس پروكۋرورىنىڭ بۇيرىعىمەن جاڭاارقا اۋدانىنىڭ پروكۋرورى ا.ايتبەكوۆ قاراعاندى وبلىستىق پروكۋراتۋرانىڭ تارتىپتىك كوميسسيا شەشىمىنىڭ نەگىزىندە جۇمىستان شىعارىلدى، - دەلىنگەن وبلىستىق پروكۋراتۋرا تاراتقان حابارلامادا.
وبلىستىق پروكۋراتۋرانىڭ باسپا ءسوز قىزمەتىنەن تۇسىندىرگەندەي، اۋداندىق پروكۋرور قىلمىستىق جاۋاپكەرشىلىككە تارتىلعان تۇلعامەن پروسەسسۋالدىق ەمەس بايلانىسقا ءتۇسىپ، سونداي-اق قىلمىستىق قۋدالاۋ ورگانى تاراپىنان پارا بوپسالاۋعا قاتىستى ءوتىنىش بويىنشا شارالار قولدانباعان.
پىكىر قالدىرۋ