قىزىلوردا قالاسىندا STAN.KZ  سايتىنىڭ ءتۇسىرۋ توبى ارنايى ەكسپەريمەنت جۇرگىزدى. ەكسپەريمەنتتە جايا جۇرگىنشىلەرگە ارنالعان جولاق ۇستىندە تۇرىپ سەلفي جاساعان قىزعا كولىك جۇرگىزۋشىلەردىڭ رەاكسياسى سىنالدى، - دەپ حابارلايدى «قامشى» پورتالى.

ەكسپەريمەنت بارىسىندا قورقىت اتا كوشەسىندەگى  جاياۋ جۇرگىنشى جولاعىمەن اسىقپاي وتەتىن بويجەتكەندى جۇرگىزۋشىلەردىڭ 90 پايىزى بالاعاتتاپ كەتكەن. جارتىسىنان كوبى جول بويىندا تەلەفونمەن سويلەسكەن قىزدى كۇتپەستەن الدىن وراپ وتكەن.

سونداي-اق، باسىن بايگەگە تىگىپ، سەلفي جاساماق بولعان قىزدى كولىك تەرەزەسىنەن باسىن شىعارىپ تۇرىپ بالاعاتتاعان شوپىرلار دا بولعان.
 جاياۋ جۇرگىنشى وتكەلىندە توقتاپ تۇرعان پوليسيا كولىگى ازاماتتارعا تەزدەتىپ ءجۇرۋدى بۇيىرادى. تەلەفونمەن سويلەسىپ، اسىقپاي وتكەن ءبىزدىڭ سايت اكتريساسىنا پوليسيا قىزمەتكەرى “تەز ءجۇر، اكەڭ سالىپ بەرگەن جول ما؟!” دەپ ايقايلايدى.