ەلباسى نۇرسۇلتان نازاربايەۆ قازاقستاننىڭ ايەلدەر قاۋىمى وكىلدەرىمەن «كوكتەم شۋاعى» اتتى كەزدەسۋىندە ەلىمىزدەگى بارشا ايەلدەردى كەلە جاتقان 8 ناۋرىز - حالىقارالىق ايەلدەر كۇنىمەن قۇتتىقتادى، - دەپ حابارلايدى «قامشى» پورتالى اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى ەلىمىزدىڭ قالىپتاسۋى مەن دامۋىنداعى ايەلدەردىڭ باعا جەتپەس رولىنە توقتالا كەلىپ، ولارعا دەنساۋلىق، سۇيىسپەنشىلىك، باق-بەرەكە جانە تابىس تىلەدى.
نۇرسۇلتان نازاربايەۆ بيىلعى كەزدەسۋگە ءتۇرلى كاسىپ يەلەرى قاتىسىپ وتىرعانىنا نازار اۋداردى.
- ارالارىڭىزدا كوپبالالى انالار، بيزنەس وكىلدەرى، اسكەريلەر، عالىمدار، دارىگەرلەر، پەداگوگتار، مادەنيەت پەن سپورت قايراتكەرلەرى، جۋرناليستەر بار. ايەلدەر تاۋەلسىزدىك جىلدارىنىڭ بارىندە مەنىڭ ەڭ سەنىمدى تىرەگىم بولدى. 25 جىلداعى بارلىق جەتىستىكتەرىمىز سىزدەردىڭ بەلسەنە اتسالىسۋلارىڭىزدىڭ ارقاسىندا عانا مۇمكىن بولدى. سىزدەر ءبىزدىڭ قوعامداعى بىرلىكتىڭ، جاسامپازدىق پەن تۇراقتىلىقتىڭ بەينەسىنە اينالدىڭىزدار، - دەدى مەملەكەت باسشىسى.
قازاقستان پرەزيدەنتى ايەلدىڭ باستى پارىزى انا بولۋ ەكەنىن اتاپ ءوتتى.
- انانىڭ تاربيەسى مەن ماحابباتىن اسىرەسە بالا كەزىندە كورگەن ادام امان-ەسەن ءوسىپ، جاقسى ازامات بولادى. 25 جىلدا 7 ميلليونداي كىشكەنتاي قازاقستاندىقتار دۇنيەگە كەلدى. ەلىمىزدە ءاربىر ساعات سايىن 45 نەمەسە جىلىنا 400 مىڭ بالا تۋادى. وسىنىڭ ءبارى بەرەكە مەن ەرتەڭگى كۇنگە دەگەن سەنىمنىڭ ارقاسىندا بولىپ وتىر. قازاقستاننىڭ بولاشاعى - جاڭا ۇرپاق. بيىل مەن بالانى قورعاۋدىڭ كەپىلى رەتىندە قازاقستانداعى بالا قۇقىعى جونىندەگى ۋاكىل تۋرالى جارلىققا قول قويدىم. وتباسى كۇنىن مەرەكەلەۋ جانە «مەرەيلى وتباسى» جالپىۇلتتىق كونكۋرسىن وتكىزۋ داستۇرگە اينالدى، - دەدى نۇرسۇلتان نازاربايەۆ.
مەملەكەت باسشىسى 1 ناۋرىزدا «100 ناقتى قادام» ۇلت جوسپارى اياسىندا ءبىلىم مەن عىلىمدى دامىتۋدىڭ 2016-2019 جىلدارعا ارنالعان جاڭا مەملەكەتتىك باعدارلاماسىن قابىلداۋ تۋرالى جارلىققا قول قويعانىن ايتتى.
- باعدارلامادا جاقسى جاڭالىقتار از ەمەس. مەكتەپتە وقىتۋدىڭ مەملەكەتتىك ءبىلىم ستاندارتتارى الەمدىك ستاندارتتار نەگىزىندە جاڭارتىلادى. ءاربىر تۇلەك العاشقى كاسىپتىك بىلىكتىلىكتى تەگىن يگەرۋ مۇمكىندىگىنە يە بولادى. ءبىز بالالاردى مەكتەپكە دەيىنگى وقۋمەن 100% قامتۋعا ۇمتىلىپ وتىرمىز. كەلەسى جىلدان باستاپ ءۇش ءتىلدى ءبىلىم بەرۋ ءىسىن بىرتىندەپ ەنگىزە باستايمىز. 2020 قاراي 12 جىلدىق ءبىلىم بەرۋ جۇيەسىنە كوشۋ قامتاماسىز ەتىلەدى. عالىمداردىڭ بولجامىنشا، 2020 جىلعا قاراي جەر جۇزىندەگى حالىقتىڭ 50 پايىزىن «سيفرلى بالالار» قۇرايتىن بولادى. اڭگىمە مەكتەپتەرىمىزدى اقپاراتتاندىرۋ تۋرالى بولىپ وتىر، 2019 جىلعا قاراي ولاردىڭ بارلىعى جىلدام ينتەرنەتكە قول جەتكىزۋگە ءتيىس. اقىرى ءبىز ەكونوميكالىق دامۋ جانە ىنتىماقتاستىق ۇيىمىمەن ىقپالداسىپ جاتىر ەكەنبىز، دەمەك وسىنى دا جۇزەگە اسىرۋ كەرەك، - دەدى قازاقستان پرەزيدەنتى.
نۇرسۇلتان نازاربايەۆ سوڭعى 10 جىلدا بالا تۋعاندا بەرىلەتىن جاردەماقى - 6،3 ەسە، ءبىر جاسقا دەيىنگى بالا كۇتىمى ءۇشىن جاردەماقى 4 ەسە وسكەنىنە نازار اۋداردى. ءقازىر كوپبالالى جارتى ميلليون وتباسى مەملەكەتتىك جاردەماقى الىپ وتىر.
- از قامتىلعان وتباسىلارعا الەۋمەتتىك كەلىسىمشارتتار ارقىلى اتاۋلى كومەك بەرۋگە 1،5 ميلليارد تەڭگە بولىنەدى. مەن قوعامنىڭ، ءاربىر وتباسىنىڭ اماندىعى تىكەلەي ايەلدىڭ امان-ساۋلىعىمەن بايلانىستى ەكەنىن ءاردايىم ايتىپ كەلەمىن، - دەدى مەملەكەت باسشىسى.
سوڭىندا قازاقستان پرەزيدەنتى ايەلدەردى كەلە جاتقان مەرەكەمەن تاعى دا قۇتتىقتاپ، ولاردىڭ بارلىق باستامالارىنا تابىس، وزدەرىنە مول شاتتىق تىلەدى.
ءسوز العان ايەلدەر قاۋىمىنىڭ وكىلدەرى ءوز جەتىستىكتەرى تۋرالى اڭگىمەلەپ، جۇرگىزىلىپ جاتقان الەۋمەتتىك-ەكونوميكالىق ساياساتتىڭ وڭ ىقپالدارىن اتاپ ءوتتى.
مەملەكەت باسشىسى ءىس-شارا بارىسىندا كوپبالالى انا ا.توقپانوۆاعا «التىن القا» تاپسىردى.
كەزدەسۋگە مەملەكەتتىك حاتشى، ق ر پرەزيدەنتى جانىنداعى ايەلدەر ءىسى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمى گ.ءابدىقالىقوۆا، پارلامەنت سەناتىنىڭ دەپۋتاتى ب.ءايتىموۆا، ەكونوميكالىق ينتەگراسيا ءمينيسترى ج.ايتجانوۆا، «استانا ەكسپو-2017» ۇك» اق باسقارۋشىديرەكتورى م.ەگىمبايەۆا، شارۋا قوجالىعىنىڭ باسشىسى ت.قۇشمانوۆا، پەدياتريا جانە بالالار حيرۋرگياسى عىلىمي ورتالىعىنىڭ ديرەكتورى ر.بورانبايەۆا، «قازاق ويۋلارى» ج ش س ديرەكتورى ت.ەلەكبايەۆا، جيھاز فابريكاسىنىڭ باسشىسى ە.ليەۆينا، قاراعاندى وبلىسىنداعى «مۇراگەر» مامانداندىرىلعان مەكتەپ-ينتەرناتىنىڭ ديرەكتورى م.نۇرماعانبەتوۆا، «قازاق قىزى» قوعامدىق بىرلەستىگىنىڭ ءتورايىمى ق.ابدەن، ءانشى ت.جانقۇل، «دەلوۆوي مير استانا» ج ش س ديرەكتورى، باس رەداكتورى ش.سىزدىقوۆا، اقىن ا.داۋلەتبايەۆا، كوپبالالى انا ج.بايجولدينوۆا، «استانا وپەرا» تەاترىنىڭ ءسوليسى ج.عابدۋللينا، «استانا بالەت» تەاترىنىڭ باس رەجيسسەرى م.ابۋباحرييەۆا، بيولوگ عالىم د.قانايەۆا، اۋىلدىق وكرۋگ اكىمى پ.ورالبايەۆا، «وتىرار سازى» مەملەكەتتىك اكادەميالىق فولكلورلىق-ەتنوگرافيالىق وركەسترىنىڭ باس ديريجەرى، اكتريسا د.تىلەندييەۆا، زىمىراندى ارتيللەريالىق كەمە اسكەري ءبولىمىنىڭ راديو بايلانىسشىسى ج.ىبىرايەۆا، اقتوبە فەرروقورىتپا زاۋىتىنىڭ جوندەۋ-مەحانيكا سەحىنىڭ تەمىر كەسۋشىسى ا.كەنەسارينا، قوستاناي وبلىسى، سارىكول اۋدانىنداعى «جاستار باستاماسى ورتالىعىنىڭ» باسشىسى ە.دانيلوۆا، اۋىر اتلەتيكادان ق ر ەڭبەك سىڭىرگەن شەبەرى ج.جاپپارقۇل، اكتريسا د.باقتىبايەۆا، ستۋدەنت ل.ميتروحينا قاتىستى.
پىكىر قالدىرۋ