پولشا پرەزيدەنتى اندجەي دۋدا مىنگەن كولىك وپولە قالاسىنىڭ وڭتۇستىك-باتىسىندا جول اپاتىنا ۇشىراعان. پرەزيدەنت كولىگىنىڭ جول اپاتىنا ۇشىراۋىنا دوڭگەلەگىنىڭ جارىلۋى سەبەپ بولعان، - دەپ حابارلايدى «قامشى» پورتالى ۋكرينفورم-عا سىلتەمە جاساپ.
دوڭگەلەگى جارىلعان كولىك يكەمگە كەلمەي جولدان شىعىپ كەتكەن. اپات سالدارىنان پرەزيدەنت باسقا كولىككە وتىرۋعا ءماجبۇر بولعان.
«كولىك ءبىر ۋاقىتتا باسقارۋعا باعىنباي كەتتى، ءبىراق، ۇكىمەت كۇزەت قىزمەتىنىڭ جۇرگىزۋشىسى كاسىبي شەبەرلىگىن كورسەتە ءبىلدى. وفيسەر ماشينانىڭ تىزگىنىنە تەز يە بولىپ، ءبىز ەشتەڭەگە سوعىلماي امان قالدىق»، - دەگەن دۋدانىڭ ءوزى.
پىكىر قالدىرۋ