جالپىۇلتتىق سوسيال-دەموكراتيالىق پارتيا ساياساتكەر پەتر سۆويكتى پارتيا قاتارىنان شىعارماق، - دەپ حابارلايدى «قامشى» پورتالى جسدپ-نىڭ فەيسبۋكتە تاراتقان مالىمدەمەسىنە سىلتەمە جاساپ.
«جسدپ پارتيالىق جيىنى ارقىلى، پەتر سۆويك پارتيا قاتارىنان شىعارىلاتىن بولادى» دەلىنگەن پارتيانىڭ الەۋمەتتىك جەلىدە جاريالاعان حابارلاماسىندا. ساياساتكەردىڭ جسدپ ساپىنان قانداي جولمەن شىعارىلاتىنى تۋرالى ناقتى اقپارات ءالى جاريالانبادى.
سايلاۋ دوداسى باستالعاندا ساياساتكەر پەتر سۆويك جسدپ-نىڭ پارتيالىق تىزىمىنە ەنگەن بولاتىن. الايدا، ونىڭ بۇعان دەيىنگى رەسەي باستاعان ەۋرازيالىق ەكونوميكالىق وداق پەن رف باسشىسى ۆ. ءپۋتيننىڭ ساياساتىن قولدايتىن ۇستانىمدارى قوعام مۇشەلەرىنىڭ نارازىلىعىن تۋعىزعان بولاتىن.
ەلەكتوراتتىڭ نارازىلىعى پارتيا جەتەكشىلىگىنىڭ پ. سۆويكتى قاتارلارىنان شىعارۋ تۋرالى شەشىمىنە سەبەپ بولىپ وتىر.
پىكىر قالدىرۋ