7،14 پايىز داۋىسپەن پارلامەنتتىك مانداتقا يە بولعان قازاقستاننىڭ حالىقتىق كوممۋنيستىك پارتياسى ءوز دەپۋتاتتارىنىڭ ەسىمدەرىن جاريالادى، - دەپ حابارلايدى «قامشى» پورتالى.

سايلاۋدا جيناعان داۋىستارىنا ساي كوممۋنيستەرگە ماجىلىستەن جەتى ورىن بەرىلگەن بولاتىن.

سونىمەن، قحكپ اتىنان ماجىلىسكە سايلانعان دەپۋتاتتار:

جامبىل احمەتبەكوۆ - V شاقىرىلىمداعى ءماجىلىس دەپۋتاتى؛

گالينا بايماحانوۆا - V شاقىرىلىمداعى ءماجىلىس دەپۋتاتى؛

ايقىن كوڭىروۆ - V شاقىرىلىمداعى ءماجىلىس دەپۋتاتى؛

مەگارام مەگاراموۆ؛

يرينا سميرنوۆا؛

تۇرعىن سىزدىقوۆ؛
ۆلاديسلاۆ كوساريەۆ - V شاقىرىلىمداعى ءماجىلىس دەپۋتاتى.

20 ناۋرىز كۇنى وتكەن كەزەكتەن تىس ءماجىلىس سايلاۋىندا سونداي-اق، «نۇر وتان» پارتياسى 82،2 پايىز، «اق جول» پارتياسى 7،18 پايىز داۋىس جيناعان بولاتىن.

بۇعان دەيىن «نۇر وتان» پارتياسىنان سايلانعان دەپۋتاتتاردىڭ تولىق ءتىزىمىن جاريالاعان ەدىك.