بۇگىن الماتىدا «ەكونوميكالىق ساۋاتتىلىقتى ارتتىرۋدىڭ حالىقارالىق قورى» مەن kaspi kank «قارجى مادەنيەتى» باعدارلاماسى اياسىندا قازاقستاندىقتاردىڭ قارجىلىق ساۋاتتىلىعى تۋرالى جالپىۇلتتىق زەرتتەۋدىڭ قورىتىندىسىن جاريالادى. زەرتتەۋگە قازاقستاننىڭ 14 وبلىسىنان 1200 ادام قاتىسقان.ولاردىڭ ءاربىر ءۇشىنشىسى ءوزىنىڭ قارجىلىق ساۋاتتىلىعىن قاناعاتتانارلىقسىز دەپ باعالاعان. kaspi bankء-تىڭ باسقارما ءتوراعاسى ميحايل لومتادزەنىڭ ايتۋىنشا تۇرعىنداردىڭ وزدەرىنە سىن كوزىمەن قارۋى ولاردىڭ ءبىلىمىن جەتىلدىرۋگە نيەتى بارلىعىن بىلدىرەدى. زەرتتەۋدەن بەلگىلى بولعانداي ءاربىر ءۇشىنشى قازاقستاندىق ارتىق قاراجاتىن «جاستىقتىڭ استىندا» ساقتاعاندى ءجون كورەدى. وتانداستارىمىزدىڭ ءاربىر ەكىنشىسى سالىمداردىڭ قاۋىپسىزدىگىنە مەملەكەت كەپىل بەرەتىنىن بىلمەيدى. تەك 10 ادامنىڭ 1ء-ى عانا قاراجاتىن بانكتە جينايدى. وتانداستارىمىزدىڭ 40 پايىزى جانۇيالىق بيۋدجەتىنىڭ ەسەبىن جۇرگىزبەيدى. ناتيجەسىندە ءاربىر ەكىنشى ادام اي سوڭىندا اقشاسىز قالادى. مۇندايدا كوپشىلىگى ۇنەمدەۋگە، تانىستارىنان قارىزعا اقشا الاتىنىن ايتقان. ال، 7 پايىزى بانكتەرگە نەسيە الۋعا جۇگىرەدى ەكەن. سۇرالعانداردىڭ 43 پايىزى بانكتەردەگى دەپوزيتتىڭ ساقتاندىرىلعانىن بىلمەيدى جانە تۇگەلگە جۋىعى (بىلەتىندەر 6%-اق پايىز)، مەملەكەتپەن كەپىلدەندىرىلەتىن شەكتى سومانىڭ مولشەرىن بىلمەيدى (5 ميلليون تەڭگەگە دەيىن). ساراپشىلار حالىقتىڭ بۇل اقپاراتتان حابارسىز بولۋى جالعان SMS-حابارلامانىڭ سالدارىنان داعدارىستىڭ تۋۋىنا اسەرى بولدى دەيدى. زەرتتەۋ قورىتىندىسى بويىنشا ساراپشىلار قازاقستاندىقتاردىڭ ينۆەستيسيا، قاراجاتتى ساقتاۋ مەن نەسيەلەندىرۋ بويىنشا قارجىلىق ساۋاتىن ارتتىرۋ جەدەل قولعا الىنۋى قاجەت دەپ وتىر. ساۋالناما Brif Research Group جانە TNS Gallup كومپانيالارىمەن جۇرگىزىلدى. ەسكە سالا كەتەيىك، قاڭتار ايىندا kaspi bank «قارجى مادەنيەتى» اعارتۋ باعدارلاماسىنا 1 ميلليون دوللار بولگەن بولاتىن. بۇل قارجى قازاقستاندىقتاردىڭ قارجىلىق ساۋاتىن ارتتىرۋعا باعىتتالعان ءتۇرلى جوبالاردى قولداۋعا باعىتتالعان ينۆەستيسيا بولماق.