«تىڭ» دەگەن ءسوزدىڭ ءوزى اعا بۋىن وكىلدەرىنىڭ جادىندا ەڭبەك باتىرلىعى، جىگەرلىك، پاتريوتتىق جانە جوعارعى ازاماتتىلىق دەگەن ۇعىمدارمەن سيپاتتالادى. قازاقستان جەرىنە كەڭەس وداعىنىڭ ءار بۇرىشىنان كەلگەن جۇزدەگەن تىڭ يگەرۋشىلەر ادام توزبەيتىن جۇمىستار جاسادى: قازاقستاندا قىسقا ۋاقىت ارالىعىندا ۇلكەن نان ءونىمى ءوندىرىلدى، جۇزدەگەن جاڭا سوۆحوزدار سالىندى. ولار بۇل ەڭبەك سىناعىن ابىرويمەن اتقارا الدى. 

  وسىعان وراي، ەرتەڭ استاناداعى ق ر ۇلتتىق اكادەميالىق كىتاپحاناسىندا ق ر پرەزيدەنتىنىڭ مۇراعاتى، ق ر مادەنيەت جانە اقپارات مينيسترلىگى جانە ق ر ۇلتتىق اكادەميالىق كىتاپحاناسىنىڭ بىرلەسە دايىنداعان «تىڭعا 60 جىل» اتتى قۇجاتتى-كىتاپتىق كورمەسىنىڭ تۇساۋكەسەرى وتەدى، دەپ حابارلايدى BAQ.KZ ءتىلشىسى.

بۇگىنگى تاڭدا سول ەرلىك ۋاقىتتار تاريحقا ۇلاسۋدا. بۇل جايلى ەندى تەك قانا مۇراعاتتاردان جانە قاتارى ازايىپ بارا جاتقان العاشقى تىڭ يگەرۋشىلەردىڭ ەستەلىكتەرىنەن عانا بىلە الامىز. قازاقستانداعى تىڭ جانە تىڭايعان جەرلەردى يگەرۋدىڭ نەگىزگى كەزەڭدەرى ق ر پرەزيدەنتىنىڭ مۇراعاتىندا ساقتالۋداعى قىزىقتى قۇجاتتار مەن ماتەريالدار كورمەدە كورسەتىلەدى. كوپتەگەن قۇجاتتار العاشقى رەت كورمەدە ورىن الادى. سونىمەن قاتار، ق ر ۇلتتىق اكادەميالىق كىتاپحاناسى قورىنداعى وسى تاقىرىپقا قاتىستى كىتاپتار، جۋرنالدار، گازەتتەر كوپشىلىككە ۇسىنىلادى. كورمە 6 بولىمنەن تۇرادى، تىڭ جانە تىڭايعان جەرلەردى يگەرۋدىڭ باستاۋىنا نەگىز بولعان وقيعالاردان الىنعان ماتەريالدار (كوكپ وك-نىڭ پلەنۋم ماتەريالدارى، «مەملەكەتتەگى استىق ءوندىرىسىن ودان ءارى ارتتىرۋ مەن تىڭ جانە تىڭايعان جەرلەردى يگەرۋ تۋرالى» كوكپ وك-نىڭ جانە قازاقستان كومپارتياسىنىڭ وك-نىڭ (1954 ج.) قاۋلىلارى؛ قازاقستاننىڭ تىڭ يگەرۋ ەپوپەياسىنىڭ العاشقى تولىق تالداۋى، كسرو وداقتىق رەسپۋبليكالارىنداعى ازاماتتارىنىڭ: تىڭ يگەرۋگە جىبەرىلۋى تۋرالى، قونىس اۋدارۋشىلىردىڭ تۇرمىستىق جاعدايلارى تۋرالى، العاشقى تىڭ يگەرۋشىلەردىڭ الدىندا كەزدەسكەن قيىندىقتارى تۋرالى (فوتوسۋرەتتەرى) ارىزدارى، قازاقستاننىڭ العاشقى ميلليارد پۇت استىعى (1956 ج.)، جاستاردىڭ بۇكىلحالىقتىق ىسكە جۇمىلۋى،تىڭ يگەرۋ ولكەسىنە ءبىرىنشى باسشىلاردىڭ، جازۋشىلاردىڭ،قوعام جانە مادەنيەت قايراتكەرلەرىنىڭكەلۋى، تىڭ يگەرۋشىلەردىڭ تۇرمىس ماسەلەلەرى، كەزدەسكەن قيىنشىلىقتارى تۋرالى قۇجاتتار مەن ماتەريالدار بەرىلگەن. تىڭ تۋرالى قۇجاتتار تەك قانا «باتىرلىقتى»، جوعارى ءونىم تۋرالى پارتيا كوميتەتتەرىنىڭ قۋانارلىقتاي ەسەپتەرى ەمەس. بۇل تىڭ ايماقتارىنىڭ ەكولوگيالىق اپاتتىلىقتىڭ شەگىنە جەتۋى، لاندشافتى دالانىڭ جويىلۋى، ەگىنجايدىڭ لاستانۋى، توپىراقتىڭ جەل ەروزياسىنا شالدىعىۋى، اگروتەحنيكانىڭ ساقتالماۋى، تىڭ ءداۋىرناماسىن ۇيىمداستىرۋداعى سالماقتى قاتەلىكتەر مەن جاڭىلىس ەسەپتەۋلەردىڭ جىبەرىلگەنىنىڭ كۋاسى. تۇساۋكەسەر راسىمىنە ق ر پرەزيدەنت اكىمشىلىگى قىزمەتكەرلەرى، پارلامەنت دەپۋتاتتارى، مينيسترلىك جانە ۆەدومستۆو وكىلدەرى، رەسپۋبليكامىزدىڭ بەلگىلى قوعام جانە مەملەكەت قايراتكەرلەرى، ەڭبەك جانە سوعىس ارداگەرلەرى، العاشقى تىڭ يگەرۋشىلەر، عالىمدار، تاريحشىلار، مۇراعات، مۋزەي جانە كىتاپحانا قىزمەتىنىڭ باسشىلارى، مەكتەپ وقۋشىلارى قاتىسادى.

نۇرسەرىك جولبارىس