حالىقتىق كوممۋنيستىك پارتيا اتىنان سايلانعان دەپۋتات ۆلاديسلاۆ كوساريەۆ پرەمەر-مينيستر كارىم ماسىموۆكە ساۋال جولداپ، جەردى اۋكسيون ارقىلى ساتۋدان بۇرىن، ونى پايدالانۋ قاعيدالارىن تارتىپكە كەلتىرۋدى ۇسىندى، - دەپ حابارلايدى «قامشى» پورتالى.
«قازاقستان ۇكىمەتى نارىقتىق ليبەرالدى قاتىناستاردى اۋىلشارۋاشىلىق جەرلەرىن اۋكسيوندا جەڭىلدىكپەن ساتۋ ارقىلى ودان ءارى تەرەڭدەتۋگە تىرىسۋدا. مۇنىڭ ارتىندا پايدا تابۋ مۇددەسى تۇرعانىن تۇسىنەمىز. ءبىز، كوممۋنيست-دەپۋتاتتار، ۇكىمەتتى جەر ماسەلەسىنە قاتىستى ۇستانىمىن قايتا قاراۋعا شاقىرامىز»، - دەيدى ول.
ەستەرىڭىزگە سالساق، ۇلتتىق ەكونوميكا ءمينيسترى ەربولات دوسايەۆ اۋىلشارۋاشىلىق ماقساتىندا پايدالانىلاتىن 1،7 ملن گەكتار جەر بيىل ساتىلىمعا شىعارىلاتىنىن مالىمدەگەن. بۇل باستاما ەل تۇرعىندارى مەن مەملەكەت جانە قوعام قايراتكەرلەرى تاراپىنان قارسىلىققا تاپ بولىپ، ءبىرقاتار تۇلعالار ەلباسى اتىنا اشىق حات جولداعان ەدى.
