جۇڭگو ازاماتىنان 300-گە جۋىق قازاقستان ءتولقۇجاتىنىڭ بلانكىلەرى تاركىلەندى. ولار الماتى اەروپورتىنان ۇشايىن دەپ جاتقان جەرىنەن ۇستالعان. "الماتى" وتكىزۋ-باقىلاۋ پۋنكتىنىڭ شەكارالىق ناريادى "الماتى-گونكونگ" باعىتىنداعى كس-929 رەيسىن راسىمدەۋ بارىسىندا ەكى گونكونگ ازاماتىن ۇستاپ، ولاردىڭ قول جۇكتەرىنەن 291 دانا ق ر شەتەلدىك ۇلتتىق ءتولقۇجاتىنىڭ بلانكىلەرىن انىقتاپ تاركىلەدى، ولاردىڭ 250ء-ى كوك ءتۇستى بولسا، 40 داناسى كۇرەڭ قىزىل ءتۇستى بولىپ شىقتى، سونداي-اق كۇرەڭ ءتۇستى ءتولقۇجاتتىڭ بىرەۋىندە فوتوكارتوچكا مەن باعىتتىق دەرەكتەر جازىلعان"، - دەلىنگەن تاراتىلعان حابارلامادا. سونىمەن بىرگە ۆەدومستۆونىڭ مالىمەتىنشە، ولاردا اتالعان تولقۇجاتتارمەن بىرگە قۇجاتتى تۇپكىلىكتى دايىنداپ، پايدالانۋعا قاجەتتى ءبىر ورام گولوگرافيكالىق لەنتا قوسا بولعان. "ق ر قپك 185-بابىن باسشىلىققا الا وتىرىپ اتالعان دەرەك بويىنشا ماتەريالدار ۇقك الماتى قالاسى بويىنشا دەپارتامەنتىنە جىبەرىلدى"،- دەيدى ۆەدومستۆونىڭ باسپا ءسوز قىزمەتى.

Tengrinews.kz