الماتى وبلىسىنىڭ ىلە اۋدانىنان جەر ساتىپ العان 100-گە جۋىق ازامات قۇجاتتارى زاڭعا ساي راسىمدەلگەن بولسا دا، جەر تەلىمدەرىنەن ايىرىلىپ قالامىز با دەپ الاڭداپ وتىر، - دەپ حابارلايدى Qamshy.kz.  31 ارناعا سىلتەمە جاساپ.

سەبەبى جەردىڭ العاشقى يەسى تەلىمدەردى تۇرعىندارعا ءبولىپ ساتقان ازاماتتى سوتقا بەرىپ، ارادا جاسالعان كەلىسىمشارتتىڭ كۇشىن جويۋدى تالاپ ەتۋدە. "مايل-ستوۋن" كومپانياسى يەلىگىندەگى 38 جانە 25 گەكتار جەرلەردى الىپ، ءۇشىنشى تاراپقا، ياعني تۇرعىندارعا ساتقان الماس بازاربەكوۆ ەسىمدى ازامات كومپانياعا 700 ميلليون تەڭگە بەرەشەك دەپ سوتقا جۇگىنگەن. باسپانا تۇرعىزامىز دەپ جەر العان حالىق ءوزارا سوتتاسقان ەكى تاراپقا كەزەك جالتاقتاپ، سوتقا سابىلىپ ءجۇر. 

جەر تەلىمدەرىن ساتىپ العانداردىڭ كەيبىرى وزدەرىن سوتقا نە ءۇشىن شاقىرتقانىن تۇسىنبەي الەك. اقشاسىن تولەگەن، شارت جاساسقان، ادىلەت باسقارماسى جەردىڭ كەپىلدە تۇرماعانى جونىندە انىقتاما بەرگەن، مەملەكەتتىك اكت قولدارىندا. ءبىراق العاشقى سوت وتىرىسىنا سۋديا 49 تەلىمنىڭ يەسىن شاقىرتسا، كەلەسى وتىرىستا ولاردىڭ سانى ارتتى. ايتۋلارىنشا، 300-دەي ادام بازاربەكوۆتەن جەر ساتىپ العان.

«ەكى اراداعى كەلىسىم-شارتتىڭ بۇزىلعانى بىزگە اسەر ەتپەكشى. ويتكەنى ءبىز بازاربەكوۆپەن ەسەپتەسىپ، دوكۋمەنتتەردى قولىمىزعا الىپ ءبارىمىز، ارامىزداعى كەيبىرەۋلەر ول جەرگە ۇيلەرىن سالىپ، كەيبىرەۋلەر سالماقشى بولىپ اقشا سالىپ قويدى وندا» ، دەيدى جەر تەلىمىنىڭ يەسى ايدار سۇگىربەكوۆ. 

 ماتەريالدى جاقىندا عانا العانىن العا تارتقان «Milestone» كومپانياسىنىڭ زاڭگەرى ءقازىر ەشقانداي سۇراقتارا جاۋاپ بەرە المايتىنى ايتتى.

تاراپتاردى تىڭداپ العان ءتوراعا 11 مامىردا شەشىم وقىلاتىنىن ەسكەرتتى. تەلىمدەرىنىڭ بولاشاعىنا الاڭداعان حالىق باسپانا قۇرىلىسىن ۋاقىتشا توقتاتا تۇرماق.