بيىل قازاقستاندا 100 مىڭنان اسا تۇلەك ۇلتتىق ءبىرىڭعاي تەستىلەۋدەن وتەدى. بۇل تۋرالى «قازاقستان» تەلەارناسى حابارلادى.

رەسمي دەرەككە جۇگىنسەك، بۇل سىناق 154 پۋنكتتە وتكىزىلەدى جانە ول بويىنشا ارنايى كوميسسيا قۇرىلادى. «ۇبت-دا قولدانىلاتىن ەمتيحان ماتەريالدارى جاساقتالۋدا. ۇلتتىق ءبىرىڭعاي تەستىلەۋ پۋنكتتەرىندە 10 ناۋرىزدان باستاپ 25 ساۋىرگە دەيىن تۇلەكتەردەن وتىنىشتەر قابىلدانادى»، — دەلىنگەن ءبىلىم جانە عىلىم مينيسترلىگىنىڭ حابارلاماسىندا.

بيىل 134 648 وقۋشى مەكتەپ بىتىرەدى. شامامەن 107 000 تۇلەك ۇبت-عا قاتىساتىن كورىنەدى. ءبىر ەسكەرە كەتەتىن جاعداي، ۇبت فورماتىنا ايتارلىقتاي وزگەرىس ەنگىزىلمەيدى. جالپى، ءقازىر ەلىمىز ايماقتارىندا وسى سىناق جونىندە ءتۇسىندىرۋ جۇمىستارى جۇرگىزىلۋدە.

ءامىرحان الماعانبەتوۆ.

دەرەككوز: «قازاقستان» تەلەارناسى.