پاۆلودار وبلىسىندا اۋىل اكىمى اكىمدىك عيماراتىنا مەملەكەتتىك تۋ ىلمەگەنى ءۇشىن اكىمشىلىك جاۋاپكەرشىلىككە تارتىلدى. ق ر اكىمشىلىك قۇقىق بۇزۋشىلىق تۋرالى كودەكستىڭ "ق ر مەملەكەتتىك رامىزدەرىن قولدانۋ ءتارتىبىن بۇزۋ" بابى بويىنشا جاۋاپقا تارتىلعان اكىمگە ايىپپۇل سالىندى. "سوت پاۆلودار وبلىسى الەكسەيەۆ اۋىلدىق وكرۋگىنىڭ اكىمى سىمبات شاحمەتوۆانى 3-6 ناۋرىز ارالىعىندا اكىمدىك عيماراتىنا ق ر مەملەكەتتىك تۋىن ورناتۋ مەن ورنالاستىرۋدى قامتاماسىز ەتپەۋ تۇرىندەگى اكىمشىلىك قۇقىقبۇزۋشىلىقتى جاساۋعا كىنالى دەپ تاپتى. سوتتىڭ قاۋلىسىمەن وعان 200 ايلىق ەسەپتىك كورسەتكىش كولەمىندەگى سوماسى 370 400 تەڭگە بولاتىن اكىمشىلىك ايىپپۇلدى مەملەكەت پايداسىنا اۋدارۋ جازاسى بەلگىلەندى"، - دەپ حابارلادى سوت وكىلدەرى. سوت وتىرىسى بارىسىندا اۋىل اكىمى ءوز كىناسىن مويىنداپ، ىستەگەن ىسىنە وكىنىش ءبىلدىردى. ونىڭ ايتۋىنشا، اكىمدىك عيماراتىنداعى ەسكى تۋ ابدەن توزىپ كەتىپ، اۋىستىرۋدى قاجەت ەتىپ تۇرعان. سول سەبەپتى ول تۋدى الىپ تاستاۋدى بۇيىرعان. دەرەككوز: http://kaz.tengrinews.kz/