Apple كومپانياسى بيىل جازدىڭ سوڭىنا قاراي نەمەسە كۇزگە سالىم iPhone سمارتفونىنىڭ التىنشى نۇسقاسىن ۇسىنۋى مۇمكىن دەپ حابارلايدى MarketWatch.

ساراپشىلار مۇنداي بولجامدى كومپانيانىڭ جەتكىزۋشىلەرىنەن الىنعان مالىمەتتەردىڭ نەگىزىندە جاسادى. Pacific Crest تالداۋشىسى ەندي حارگريۆستىڭ ايتۋىنشا، سمارتفوننىڭ قۇرامداس بولىكتەرىنە تاپسىرىس بەرۋ ماۋسىمدا باستالادى، بۇل جاڭا قۇرىلعى قىركۇيەكتىڭ سوڭىندا نەمەسە قازان ايىندا قالىڭ كوپشىلىككە قولجەتىمدى بولادى دەگەن ءسوز. ءوز كەزەگىندە UBS كومپانياسىنىڭ وكىلى ستيۆ ميلۋنوۆيچ جەتكىزۋشىلەردىڭ مالىمەتتەرىن نەگىزگە الا وتىرىپ، iPhone 6-نىڭ ماۋسىم مەن تامىز ارالىعىندا-اق، ياعني قىركۇيەك ايىنان بۇرىن شىعارىلا باستايتىنىن ايتادى. RBC Capital اناليتيگى داگ فريدمان بولسا، "Apple جارتىلاي وتكىزگىشتەرىن وندىرۋشىلەر ءونىمىنىڭ ساۋداسى جاڭا سمارتفوننىڭ نارىققا جازدىڭ سوڭىندا نەمەسە كۇزدىڭ باسىندا شىعاتىنىن اڭعارتادى" دەگەن پىكىردە. ايتا كەتەيىك، وتكەن ەكى جىل ىشىندە Appleء-دىڭ ءوز جاڭا سمارتفوندارىن قىركۇيەك ايىنىڭ باسىندا جارىققا شىعارعانى بەلگىلى. دەرەككوز: http://kaz.tengrinews.kz