ۇكىمەت جانىنداعى جەر كوميسسياسىنىڭ مۇشەسى مۇحتار تايجان سول كوميسسيانىڭ تاعى ءبىر مۇشەسى، جۋرناليست ارتۋر پلاتونوۆتان قازاقتى جامانداماۋدى تالاپ ەتتى، - دەپ حابارلايدى Qamshy.kz.

«ءبىزدىڭ جۇمىسىمىز جاقسى باستالدى. وسى اپتادا كوپ جۇمىس ىستەدىكق. ءبىراق، ەلىمىزدە نە بولىپ جاتقانىن ءوزىمىز كورىپ وتىرمىز. 21 مامىردا ءانۇراندى ايتقان قارىنداستارىمىزدى ميليسيا الىپ كەتتى. ول نە سوندا؟ اپالارىمىزدى، جەتپىستەن اسقان اقساقالدارىمىزدى الىپ كەتتى. ول قالاي؟ ءبىز وسىندا جۇمىس ىستەپ جاتىرمىز. جاقسى ءۇردىس باستالدى دەۋگە بولادى. بيلىك پەن حالىق اراسىندا كەلىسسوز جۇرۋدە. ءبىراق، ءبىز ءبىر قولمەن ونى قولداپ، ال، ەكىنشى قولمەن ميتينگكە شىققان ازاماتتارىمىزدى ۇرساق، قالاي بولادى؟ مەن وسى ماسەلەنى ءۇشىنشى وتىرىستا كوتەرىپ وتىرمىن. ءبىز ءتيىستى ورگاندارعا ۇندەۋ جاساۋىمىز قاجەت. ءبىز كراۆچەنكو (باس پروكۋروردىڭ ورىنباسارى - رەد.) مىرزامەن وسى اپتادا كەزدەستىك. كەزدەسۋ جاقسى ءوتتى. ءبىر-بىرىمىزدى تۇسىندىك. ءبىراق كەشە قاراسام، باس پروكۋراتۋرادان وتە قاتال مالىمدەمە شىقتى. سوسىن مەن وسىندا وتىرعان ارتۋر پلاتونوۆقا ايتايىن دەپ ەدىم. ارتۋر، ميتينگكە شىققان ازاماتتاردى جامانداۋىڭدى توقتات! ولار – قازاقستان ازاماتتارى. ولار ەشقانداي بۇزاقىلىق جاساعان جوق. ميتينگ ءۇشىن اقشا تولەپ جاتىر دەيدى، تاعىسىن تاعى. بالكىم، بىرەۋ ءبىزدىڭ بۇگىنگى پروسەسىمىزدى بۇزعىسى كەلەتىن شىعار. ۇلتارالىق ارازدىق، اقشا ءۇشىن، بىرەۋدىڭ مۇددەسى دەيدى، بيلىكتى جاۋلاپ العىسى كەلدى دەيدى. وندايعا بوي بەرمەۋ كەرەك. مەن وتىنەمىن، ءتيىستى ورگاندارعا ۇندەي جاسايىق»، - دەدى م.تايجان كوميسسيا وتىرىسىندا سويلەگەن سوزىندە.