"حانزادا گارري سۇيىكتىسىمەن الماتىدا وتەتىن جابىق ساۋىق-كەشكە قاتىسۋعا كەلدى. گارري مەن قىزى شىمبۇلاق دەمالىس كۋرورتىنا تىكۇشاقپەن باردى. بريتاندىق حانزادا سۇيىكتىسىن قازاقستاندا دەمالىپ قايتۋعا شاقىرعان" . بريتان تاعىنىڭ مۇراگەرى مەن ونىڭ سۇيىكتىسى شىمبۇلاق شاڭعى كۋرورتىنا تىكۇشاقپەن بارعان. باسىلىمنىڭ مالىمەتىنە قاراعاندا، حانزادا گارري مەن ونىڭ سۇيىكتىسى كرەسسيدا "سالتاناتتى شالەدە" توقتاعان. ولار جابىق جەكە ساۋىق-كەشكە قاتىسادى. گارريدىڭ دوستارى 29 جاستاعى حانزادانىڭ 25 جاستاعى سۇيىكتىسىنە قازاق جەرىندە وتباسى قۇرۋ تۋرالى ۇسىنىس جاساۋى مۇمكىن ەكەنىن ايتادى. گارري مەن كرەسسيدا ەڭ العاش 2012 جىلى تابىسقان، الايدا وسى ۋاقىتقا دەيىن فوتوتىلشىلەردىڭ كوزىنە تۇسپەي كەلگەن. وسى جىلدىڭ ناۋرىز ايىنىڭ باسىندا باتىستىق اقپارات قۇرالدارى بۇل جۇپتىڭ اراسىنداعى جەكە قاتىناستاردىڭ جاڭا دەڭگەيگە كوتەرىلگەنىن مالىمدەدى. ءىى ەليزاۆەتانىڭ نەمەرەسى سۇيىكتىسىمەن بىرگە كوپشىلىك باس قوسقان جيىنداردا كورىنە باستاعان. بريتاندىق باسىلىمنىڭ مالىمەتىنشە، شىمبۇلاق شاڭعى كۋرورتى قازاقستاندىق كاسىپكەر سەرجان جۇماشوۆقا تيەسىلى جانە كۋرورت قوجايىنىنىڭ جالپى بايلىعى 215 ميلليون دوللاردى قۇرايدى. حانزادا گارري اقسۇيەكتەر اۋلەتىنىنىڭ قازاقستانعا كەلگەن العاشقى وكىلى ەمەس. بۇعان دەيىن ونىڭ اعايى حانزادا ەندريۋ قازاق جەرىنە بىرنەشە رەت تابان تىرەگەن بولاتىن. بريتاندىق Daily Mirror باسىلىمىنىڭ جازۋىنشا، قازاقستان جاقىن بولاشاقتا ەۋروپالىقتاردىڭ ايگىلى دەمالىس ورنىنا اينالاتىن بولادى. سونىمەن قاتار باسىلىم الماتى ماڭىنداعى تاۋ شاتقالىندا تاعى جەتى جاڭا دەمالىس ورنى سالىنعالى جاتقانىن حابارلايدى.

tengrinews.kz