پاكىستان بيلىگى راۆالپيندي-يسلاماباد باعىتىندا قاتىنايتىن اۆتوبۋستىڭ جۇمىسىن ىسكە قوستى. اتالمىش اۆتوبۋستىڭ ەرەكشەلىگى - ونىڭ جولاۋشىلارى تەك ايەلدەر بولماق.

بۇل ەلدە قوعامدىق كولىكتەردە ەر ازاماتتار تاراپىنان ايەلدەرگە ءزابىر كورسەتۋ جانە ءتىل تيگىزۋ ءجيى كەزدەسەدى. تەلەارنانىڭ حابارلاۋىنشا، تەك قانا نازىك جاندىلارعا قىزمەت كورسەتەتىن ارنايى تاسىمال قۇرالىن اشۋ بۇعان دەيىن بىرنەشە مارتە كوتەرىلگەن. الايدا كوپ جاعدايدا قارجىنىڭ جەتىسپەۋشىلىگىنە بايلانىستى، جوبا اياقسىز قالىپ كەلگەن. ال قازىرگى باستاماعا سايكەس، اتالعان اۆتوبۋس ەكى اي بويى قاناتقاقتى جوبا رەتىندە جۇمىس ىستەمەك.

ايتا كەتەرلىگى، پاكىستاندا ايەلدەردىڭ قوعامدىق كولىكتەردە ءجيى كەزدەسەتىن كەلەڭسىزدىكتەر ءۇشىن جۇمىستار باس تارۋى ءجيى كەزدەسەدى. ەگەر جاڭا اۆتوبۋستاردىڭ جۇمىسى جاقسى جولعا قويىلسا، ول ايەلدەردىڭ تەڭدىگى مەن قۇقىعىن رەتتەۋگە سەپتىگىن تيگىزەر ەدى دەيدى كوپشىلىك.

inform.kz