ناۋرىز مەيرامىن امەريكان جەرىندە رەسمي دەڭگەيدە عانا ەمەس، قاراپايىم ازاماتتار، امەريكا قۇراما شتاتتارىنداعى قازاق دياسپوراسىنىڭ وكىلدەرى دە اتاپ وتەدى.
نيۋ-يورك تۇرعىنى، تارازدىڭ تۋماسى ءاليما قالىبايەۆا قازاقپارات تىلشىسىنە تەلەفون ارقىلى قازاقستاننان شىققان ادامدار جىل سايىن وسى ەجەلگى شىعىس مەرەكەسىن اتاپ ءوتۋ ءۇشىن ناۋرىز كۇندەرى باس قوساتىنىن ايتتى. ادەتتە ءارتۇرلى شارالارعا قاتىسۋعا ۋاقىت بولا بەرمەيدى. ءبىراق تا ناۋرىزدىڭ ءجونى بولەك، بۇل كۇنى قازاقشا ەت اسىپ، ءبىر-بىرىمىزدى قۇتتىقتاپ جاتامىز، - دەدى ا.قالىبايەۆا. - ءبىزدىڭ مەرەكەمىزدى قاراپايىم امەريكاندىقتار دا بولىسەدى، مۇندا كەز كەلگەن مەرەكەنى اتاپ ءوتۋدى جاقسى كورەدى».
90 جىلداردىڭ اۋىر كەزەڭدەرىندە ول تارازدان جاقسى ءومىر ىزدەپ، شەتەل اسقان بولاتىن، ول امەريكاندىق ءىرى مەگاپوليستە ورنىعىپ، ماماندىعى بويىنشا (تىگىنشى) جاقسى جۇمىسقا ورنالاستى، جەرلەس-دوستار تا تابىلدى.
«ءبىزدىڭ ادامدار ول جاقتا دا از ەمەس، - دەپ اڭگىمەلەيدى ا.قالىبايەۆا. - ءجيى كەزدەسىپ تۇرامىز، ۇلتتىق مەرەكەلەرىمىزدى اتاپ وتەمىز، ءتىلىمىزدى، مادەنيەتىمىزدى جانە سالت-داستۇرلەرىمىزدى ۇمىتپايمىز. ءبىزدىڭ قازاق جەرىنىڭ بۇلتسىز اسپانىن، جازيرالى دالاسىن ساعىنامىز. ءبىزدىڭ قىمىزعا، قازاقشا ەتكە نە جەتسىن!..».
ا.قالىبايەۆا ناۋرىز مەرەكەسىن وتباسىندا تاۋەلسىزدىكتەن بۇرىن دا اتاپ وتكەنىن ەسكە الدى. «بالا كۇنىمدە اجەمىزدىڭ جەتى ءتۇرلى تاماق ءتۇرىن قوسىپ، ناۋرىز-كوجە ازىرلەگەنى، ءسويتىپ، كۇن مەن ءتۇننىڭ تەڭەسكەن ۇلى كۇنىن اتاپ وتكەنىمىز ەسىمدە قالىپتى»، - دەيدى ول.
ەسكە سالا كەتەيىك، 24 ناۋرىزدا اقش استاناسى ۆاشينگتوندا Nowruz Commission ۇكىمەتتىك ەمەس ۇيىمى مەن ناۋرىزدى دءاستۇرلى اتاپ وتەتىن ەلدەردىڭ، اراسىندا قازاقستاننىڭ ەلشىلىگى دە بار، ۆاشينگتوندا تىركەلگەن ديپلوماتيالىق وكىلدىكتەرى ۇيىمداستىرۋىمەن ناۋرىز مەيرامىن مەرەكەلەۋگە ارنالعان بەسىنشى سالتاناتتى گالا-كونسەرت ءوتتى.
Nowruz Commission ۇيىمىن قۇرۋعا جانە اقش-تا ناۋرىزدى مەرەكەلەۋ يدەياسىنا بەلگىلى كاسىپكەرلەر جانە مەسەناتتار ناسسەر كازەميني مەن بيجان قيان، سونداي-اق وسى ەلدە ەلشى بولعان قازىرگى ق ر سىرتقى ىستەر ءمينيسترى ەرلان ىدىرىسوۆ باستاماشى بولدى. بيىلعى جىلى 500-گە جۋىق ادام - اقش-تىڭ رەسمي ادامدارى، ديپلوماتيالىق كورپۋس، بيزنەس، تالدامالىق توپتار وكىلدەرى، عالىمدار مەن قوعام قايراتكەرلەرى مەرەكە قوناعى بولدى.
inform.kz
