بۇگىن ق ر پارلامەنتى سەناتىنىڭ ءتوراعاسى قاسىم-جومارت توقايەۆ ەۋروپارلامەنتتىڭ دەپۋتاتتارى ەليزابەت يەگگل مەن دانيەل ۆان دەر ستۋپتى قابىلدادى.
مەيمانداردىڭ ءوتىنىشى بويىنشا قاسىم-جومارت توقايەۆ قازاقستان ساياسي جۇيەسىندەگى ق ر پارلامەنتى سەناتىنىڭ ءرولى، ەلىمىزدەگى ساياسي پارتيالاردىڭ قىزمەتى، ۇلتارالىق كەلىسىمنىڭ نەگىزى تۋرالى اڭگىمەلەدى. ءتوراعا مەملەكەتتىڭ ادام قۇقىقتارىن قامتاماسىز ەتۋ جۇمىستارى باسىم باعىتى ەكەندىگىن اتاپ ءوتتى. ەۋرووداقپەن ىنتىماقتاستىق ماسەلەلەرىنە قاتىستى ق ر پارلامەنتى سەناتىنىڭ ءتوراعاسى قازىرگى كەزدە قازاقستان ەۋرووداقپەن كەڭەيتىلگەن ارىپتەستىك پەن ىنتىماقتاستىق تۋرالى جاڭا كەلىسىم ازىرلەۋگە ءمان بەرەتىنىن اتاپ ءوتتى. اڭگىمە بارىسىندا ەقىۇ پارلامەنتتىك اسسامبلەيا اياسىنداعى ءوزارا ءىس-قيمىلى، گااگادا وتكەن ءىىى يادرولىق قارۋسىزدانۋ جونىندەگى سامميت قورىتىندىلارى، ق ر پرەزيدەنتى نۇرسۇلتان نازاربايەۆتىڭ «قازاقستان-2050» ستراتەگياسىن ىسكە اسىرۋ ماسەلەلەرى دە قوزعالدى.
