باتىس قازاقستان وبلىسىنىڭ بوكەي ورداسى اۋدانىنىڭ شوڭعاي اۋىلىنىڭ ماڭىنا 27 ناۋرىزعا قاراعان ءتۇنى رەسەيدىڭ كاپۋستين يار پوليگونىنان ۇشىرىلعان مەتەورولوگيالىق "من-300" زىمىرانى قۇلادى دەپ حابارلايدى اقپارات اگەنتتىكتەرى. بوكەي ورداسى اۋدانىنىڭ اكىمى نۇرلان راحىمجانوۆتىڭ ايتۋىنشا، زىمىران 27 ناۋرىزعا قاراعان ءتۇنى جەرگىلىكتى ۋاقىتپەن ساعات 01.00 شاماسىندا قۇلاعان. توتەنشە وقيعادان ەشكىم زارداپ شەكپەگەن. زىمىراننىڭ ۇزىندىعى 7 مەتر، ەنى 45 سانتيمەتردى قۇرايدى. بىلتىر جازدا رەسەيلىك "پروتون-م" زىمىران تاسىعىشى بايقوڭىردان ۇشا بەرگەندە اپاتقا ۇشىراپ، جارىلىپ كەتكەن ەدى. اپات سالدارىنان «پروتون-م» زىمىران تاسىعىشىنان بىرنەشە ءجۇز توننا ۋلى وتىن – گەپتيلدىڭ توگىلۋى قازاقستان قوعامىندا قارسىلىق اكسيالارىن تۋعىزعان.

ازاتتىق راديوسى