راديكال اعىمداردىڭ ۇستانۋشىلارى بىرنەشە جىلدان بەرى اقتوبە وبلىسىندا دالا جانۋارلارىن ءولتىرىپ، جاتتىعىپ ءجۇر، - دەپ حابارلايدى Qamshy.kz Tengrinews.kz -كە سىلتەمە جاساپ.

بۇل تۋرالى AktobeTimes باسىلىمىنا جەرگىلىكتى اڭشىلار مەن ورمانشىلار حابارلاعان.

"2014-2015 جىلدارى براكونەرلەر ولارمەن توبەلەسىپ قالىپ، اتىسقان. بۇل ساركول اۋىلىنىڭ ماڭىندا بولدى. تۇندە ولار قويان مەن بورسىقتاردى ءولتىرىپ جاتتىعادى. ولاردى ۇستاعىمى كەلگەندە قارسىلىق تانىتتى. ال تاڭەرتەڭ كولىگىمنىڭ كاپوتىنان وق ءدارى تاپتىم. وندا كەلەسى جولى بۇل وق ءدارىنىڭ مەنىڭ دەنەمنەن ءبىراق شىعاتىنى تۋرالى جازىلعان"، - دەپ حابارلادى بۇرىنعى ورمانشى. 

ونىڭ ايتۋىنشا، ايتىلىپ وتىرعان ادامدار ادەتتەگى براكونەرلەر ەمەس، ولار اڭشىلىققا ءوز جانۇيالارىن اسىراۋ ءۇشىن  شىقپايدى. "ولار "پيكاپ"، "گازەل" سياقتى كولىكتەر مىنەدى، مۇناي ۇرلاپ، ءومىر سۇرەدى. وتە ۇيىمشىل ءارى ساۋاتتى. ۇستالعان كەزىندە نە ىستەۋ كەرەك ەكەنىن بىلەدى، زاڭنان ۇزىندىلەر كەلتىرەدى، اتۋدى ەتى مەن تەرىسى ءۇشىن ەمەس، قارۋلى قاقتىعىسقا دايىندالادى"، - دەدى باسىلىمعا ول.

"قارعالى اۋدانىندا ورمانشىلار اتىس شىققان جاققا بىرنەشە رەت بارىپ كورىپ، نىساندارعا وق اتىپ جاتقاندارىن دا كوردىك. وسىنداي ءقاۋىپتى جەرلەردىڭ ءبىرى - بەسقوپا اۋىلى. ورمانشىلاردىڭ باسىم بولىگى بۇل جەردەن اۋلاق جۇرۋگە تىرىسادى"، - دەيدى ول. 

الايدا، ونىڭ ايتۋىنشا، ورمانشىلار ۋاھھابتاردىڭ جاسىرىن جاتتىعۋدى قايدا جاساپ جۇرگەنىن كورسەتۋگە دايىن، الايدا ولار ءوز ومىرلەرى ءۇشىن قورقىپ وتىر ەكەن. "قۇقىق قورعاۋ ورگاندارى كەپىل بولسا، سول دالالىققا اپارىپ كورسەتەر ەدىك، پوليسيا مەن ۇقك كەلسە، ايتىپ بەرەر ەدىك. ال بىزدە بەستاماق تاس جولىنىڭ بويىندا پوليسيا شاقىرتساڭ، 2-3 ساعاتتاپ كۇتەسىڭ"، - دەيدى ەر ادام. 

ال اڭشى الەكساندر ماندرىكين بىلاي دەيدى: "حرومتاۋ اۋدانىندا مەن جەتى جىل بۇرىن ادامدار توبىن كورگەنمىن، ولار اققۋلاردى جاپپاي قىرىپ تاستادى. ەكىنشى جاعداي رودنيكوۆكا اۋىلىنىڭ ماڭىندا بولدى. جۇك كولىگىن كوردىم، ول بۇرىلىپ، توعىز ادام ساپقا تۇرا قالدى. ول جاقتا جاتتىعۋلار ءوتىپ جاتتى. بۇل جەرگە بارۋ وتە قيىن ەدى. ال كەلەسى كۇنى ۇقك-دا ىستەيتىن تانىستارىم بۇل اۋىلدىڭ ماڭىندا رەسمي جاتتىعۋ وتپەگەنىن حابارلادى".