ايدوس سارىم جەر كوميسسياسى جۇمىسىنداعى كەي كەمشىلىكتەردى سىنعا الدى، - دەپ حابارلايدى Qamshy.kz.
كوميسسيا مۇشەسى استانادا وتكەن جيىندا ۇيىمداستىرۋ ماسەلەلەرىنە بايلانىستى ءبىرقاتار كەمشىلىكتەردى اتاپ ءوتتى. ايدوس سارىم كوميسسيا جۇمىسىنىڭ ناقتى كەستەسىنىڭ ءالى كۇنگە جاسالماۋىنا، وڭىرلەرگە شىعۋ كەستەسىنىڭ بەكىتىلمەگەنىنە نازار اۋدارتتى. وتىرىستا ايدوس سارىم ەل ىشىندە جەرگە قاتىستى تاراپ جاتقان ءتۇرلى اقپاراتتارعا قاتىستى رەسمي ورگانداردىڭ جاۋابى دا كەشەۋىلدەپ شىعاتىنىن تىلگە تيەك ەتتى. كوميسسيانىڭ وتىرىستارىنا حالىقتى شاقىرۋ، قوعامدىق بەلسەندىلەردىڭ قاتىسۋ جايى دا ساياساتتانۋشىنىڭ كوڭىلىنەن شىقپاعان سياقتى.
"مىنا تۇرىمىزبەن ءبىز ايماقتاردى تولىق ارالاپ ۇلگەرمەيمىز"، - دەيدى ول.
وسىعان بايلانىستى ول كوميسسيا مۇشەلەرىن ءتورت توپقا ءبولىپ، وڭىرلەردى ارالاۋدى ۇسىندى.
سونداي-اق، ول قوستاناي وبلىسىنداعى ىرعىز، جانگەلدى اۋداندارىنان رەسەي پوليگوندارى ءۇشىن جەر تەلىمدەرىنىڭ جالعا بەرىلۋىن سىنعا الدى.
"رەسەي شەت ەل ەمەس پە؟ بىزدە شەتەلدىكتەرگە جالعا جەر بەرۋگە موراتوريي جاريالاندى ەمەس پە؟"، - دەگەن ا. سارىم وسى وقيعاعا بايلانىستى "ول وڭىرلەردە ادام تۇرمايدى" دەپ مالىمدەگەن ينۆەستيسيالار جانە دامۋ ۆيسە-مينيسترى البەرت راۋدىڭ حالىقتان كەشىرىم سۇراۋىن تالاپ ەتتى.
ايدوس سارىمنىڭ ايتقاندارىنا كوميسسيا ءتوراعاسى، ۆيسە-پرەمەر ءھام اۋىلشارۋاشىلىق ءمينيسترى اسقار مىرزاحمەتوۆ جاۋاپ بەردى.
