دايش سودىرلارى سيريادا ءتورت فۋتبولشىنى جۇرتتىڭ كوزىنشە باۋىزدادى، - دەپ حابارلايدى Qamshy.kz Tengrinews.kz -كە سىلتەمە جاساپ.

Al Arabiya تەلەارناسىنىڭ مالىمەتىنشە، قازاقستاندا تىيىم سالىنعان لاڭكەستىك ۇيىمنىڭ سودىرلارى فۋتبولدان راككا قالاسىنىڭ اتىنان شىعىپ جۇرگەن جاستار كومانداسىنىڭ ويىنشىلارىنىڭ باسىن كەسىپ العان.

سپورتشىلار قالانىڭ ورتالىق الاڭدارىنىڭ بىرىندە ولتىرىلگەن، بۇل ارەكەتتى جەرگىلىكتى تۇرعىندارى كورىپ تۇرعان. قازا بولعانداردىڭ بار جازىعى فۋتبولدى سۇيەتىندەرى جانە ءوز قالاسىنىڭ نامىسىن قورعاعانى ەكەن. 

لاڭكەستىك ۇيىمنىڭ سودىرلارى بۇل قالانى باسىپ العاننان كەيىن كەز كەلگەن سپورت تۇرىنەن كوماندالار قۇرۋعا تىيىم سالىپتى. ال سولاردىڭ ىشىندە فۋتبولعا سالىنعان تىيىمنىڭ ەڭ باستىسى ەكەنى ايتىلادى. ايتا كەتەيىك، دايش سودىرلارى راككانى باسىپ الىپ، ءۇش جىل بويىندا بيلىگىن جۇرگىزىپ كەلەدى.